Bei de Uroma en d´r Köch
Backe, backe Plätzchen,
ich back met mingem Schätzchen
en d´r Weihnachtsbäckerei
suh manche Leckerei
Makrone un och Spritzjebäck
ich hoffe, dat et jedem schmeck.
Uss nem Holzbrett bal 100 Johr
kütt de Spekulatius Johr für Johr.
Un uns Pänz sin och dohbei
en unserer Weihnachtsbäckerei.
Ne wat han die für ´ne Spaß,
dä Kleen, dä es vum Mehl janz blass.
Zehn Dose han mer volljekräch,
wenn mer sich dat ens üvverläch,
dat rick für et janze Johr leven Jott.
Doch am 3. Advent, es de Hälfte ald fott.
Dezember 2018 – B.Kox