Gott es Allah un Allah es Gott
dat ihr dat nit verstoht, jeiht mer nit en d´r Kopp.
Hürt endlich op un wädet nit zoh Mörder
ihr treff immer ühr Schwester un ühr Bröder.
Gürtel met Dynamit steiht üch all nit jot
treck üch jet schönes an, et Levve es suh kot.
Losst uns all en Fredde levve, de Welt es gruss jenoch
sei minge Broder, sei ming Schwester ich ben et vun üch och.
Töte, morde, sprenge, es nit en Allahs Sinne,
denkt doch öns dröver noh un haltet inne.
Nit met Gewalt, Sprengstoff, Waffe un Geld,
fingen mer gemeinsam de Fredde ob d´r Welt.
Met Respekt, Achtung, Vertrauen un janz vell Nächstenliebe
fingen mer all zohsamme dä äussere un ennere Friede.
November 2015 – B.Kox