Stern inaktivStern inaktivStern inaktivStern inaktivStern inaktiv
 

Jesus ich ben suh am sinniere,
kann mer met Dir och Fastelovend fiere?
Löß Du et och ens ödenlich kraache?
Deihs Du och ens janz laut laache?
Laachs Du heimlich, janz verschmitz,
üvver ene jode, kölsche Witz?
Ich jläuv Du deihs dat ob jeden Fall,
Ich jläuv Du machs de Karneval.
Minsche die fröhlich danze un singe,
die sich jäjensigig zom Laache brenge,
Lück die nur Freud em Hätze drare,
dat es Nächstenliebe, künnt mer bal sare.
Mer süht bunte Jecke üvverall,
et Dreijestirn met Prinz Karneval,
Musikgruppe, Redner un Danzmarieche,
Ich künnt vür Freud suh manches mol krieche,
wenn dann de Funke de Knabüs jerav,
denk ich och ens an Dich, dreimol Jesus Alaaf.

September 2018 – B.Kox

Freitag, 27 01 2023