Stern inaktivStern inaktivStern inaktivStern inaktivStern inaktiv
 

Pap un Mam zoh sin es ´ne schwere Job,
wer dat jot mäht, vür dem treck ich de Hot.

Vür allem alleinertreckende Papis un Mamis,
sin wahre multitaskingfähige Genies.

Streng sin, ertrecke un konsequent zoh blieve
und dat met Maß, ohne zoh üvverdrive.

Ich wor nie ene Pap, wot direkt Opa janz flöck,
fand en Frau met Kinder an ihrer Sick.

Ich ben de beste Opa der Welt,
evver als Pap, doh wör ich keine Held.

Verstecke spille un Blödsinn mache,
ich hür in einfach vell zoh jän Laache.

Ich kann nit streng sin, dat es ming Problem,
hä es un bliev doch minge Kleen.

Un wenn hä ens eh Trönche verdröck,
deiht mir dat och wieh, dann ligge ich met.

Ich möch in immer nur Jlöcklich sin,
streng sin, ne dat es nit ming Ding.

B.Kox – Mai 2019