Melodie: Kackleed, Bläck Fööss

Loss m'r ens e Leedche vum Pipimache singe
Pipimache es e herrlich Dinge
Pipimache es en jroße Nut
denn wenn de nit mieh pipi mähs
dann bes de dut.

Pipimache müsse och de Nonne
Buure pinkele en de Tonne
die Knächte un die Mägde
die pinkeln en d'r Stall
Kinder dat sin Pute, die pinkele üvverall.

Fraulück pinkele en de Büsche
Käls an d´r Huswand, mer kann et ov noch rüche,
hürt bloß domet ob, die Zigge sin vorbei
denn wenn Dich einer süht, röv hä de Polizei.

Em Wald darfs du nit mieh Pipimache müsse
och an jeden Baum, darf ´ne Käl hück nit mieh pisse
Pipimache weith Dir och noch zur Last
wenn Du drusse pinkels, dann küsste en d´r Knast.

Hunde heven beim Pipimachen eh Bein
Frauchen säht dann, och, dat wor evver fein.
Mäht dat ihre Mann, dann es vileich jet loss
de Botz muss en de Reinigung, wat dat ald widder koss.

Wer vell süff muss och vell pisse
noh dem zehnte Kölsch, weihs Du Pipimache müsse
un bes Du dann schun älder, ne richtig ahle Mann
dann trick Dir Schwester Inge, en jrusse Pampers an.

Dä Kranführer beim Tüv, dä muss och ens Pipi,
Janz Huh doh bovven, üvver unserer City
un hätt Hä suh ´ne Druck, dat hä et nit mieh schaff
dann fällt dem Mann sing Pipi 130 m erav.

Mürer pinkele ob et Dixiklöchen,
Fraulück em Jebüch, et kitzelt am Popöche,
De Pastur en singer Nut pinkelt en d´r Sakristei
un ich möht och ens dringend, wan es dat Leed vorbei.

Su künnte mir noch lang vum Pipimache singe
denn Pipimache es e herrlich Dinge
dröm rode mir üch all, maht Pipi wor et jeiht
wä immer richtich Pipi mäht, 100 Jöhrcher weiht.

Dezember 2015 – B.Kox