1.

En bal jedem Discounter, doh kress Du doch zohvell,
doh weiht Ende August, de Zick schun still.
Nickolaus un Glühwing, et weihnachtet sehr,
dohbei met zohmache, dat fällt mer wirklich schwer.
Et Marzipanbrut, dat schmeck ez em Dezember
un ez am hellig Ovend, kütt de Chressbaum en d´r Ständer.

Refr.
Hürt op met all dem Dress, dat mäht doch keene Sinn
jede Woch eh Fess, doh will bal keener mieh hin.
Wenn ihr dohbei nitt oppasst, hat ihr et schnell bereut,
ihr nempt üch nämlich selver, de Spass an d´r Freud!

2.
Früher dät ich Fussball, Samsdachs em Radio hüre.
Öm sechs Uhr soh mer Sportschau, däht och keener stüre.
Hück läuv de Bundesliga, mindestens an drei Dach.
Op irjendeinem Sender sujar de janze Nach.
Ich weiß nit wie et üch jeiht, ich finge dat zoh krass,
Immer wigger Fussball, dat mäht doch keene Spass.

Refr.
Hürt op met all dem Dress, dat mäht doch keene Sinn
jede Woch eh Fess, doh will bal keener mieh hin.
Wenn ihr dohbei nitt oppasst, hat ihr et schnell bereut,
ihr nempt üch nämlich selver, de Spass an d´r Freud!

3.

Karneval em Sommer, joh et es wirklich wor.
He bei uns en Kölle, ich kumm doh n itt met klor.
Am elfte em elfte, doh jfäng de Fastelovend an.
Doht mer `ne Jefalle un rödelt doh nit dran.
Dem Kommerz zoh Ihre, ob dat wirklich sin muss?
Ich mache doh nit met söns verliere ich de Loss.

Refr.
Hürt op met all dem Dress, dat mäht doch keene Sinn
jede Woch eh Fess, doh will bal keener mieh hin.
Wenn ihr dohbei nitt oppasst, hat ihr et schnell bereut,
ihr nempt üch nämlich selver, de Spass an d´r Freud!

September 2015 – B.Kox