Ich fuhr met mingem Räche he durch uns schöne Stadt
Zweitausend Johr Jeschichte, Ich wor vür staune platt.
Kranhüser, Rhing un Dom, dat es vun mir eh Stöck.
Minge Stolz un ming Liebe häng mem Schlössche an d´r Bröck. 

Nee, wat es dat edel, mem Rädche durch et Veedel
nee wat es dat Krass, nee wat mäht dat Spass.
Fahr ens durch Ding Städche, vür Staune bes de platt.
Du weiß joh immer schöner, Kölle ming Vatterstadt.

Ov Nümaat udder Eijelstein he es üvverall jet loss
Museen, Zoo un Messe, Belgisch Veedel, huhe Stross.
Minsche kumme vun üvveral, weil et inne suh jefällt,
Tünnes, Schäl un kölnisch Wasser, mer sin et Hätz der Welt.

Nee, wat es dat edel, mem Rädche durch et Veedel
nee wat es dat Krass, nee wat mäht dat Spass.
Fahr ens durch Ding Städche, vür Staune bes de platt.
Du weiß joh immer schöner, Kölle ming Vatterstadt.

Am Flughafen en Wahn, kummen de Flejer an,
un drövven ob d´r Schälsick, läht dat Müllemerböötche an.
Vun doh jeiht mer üvver de Bröck bis en d´r Allstadt ren
Ne halve Hahn, eh Kölsch, nix kann noch schöner sin.

Nee, wat es dat edel, mem Rädche durch et Veedel
nee wat es dat Krass, nee wat mäht dat Spass.
Fahr ens durch Ding Städche, vür Staune bes de platt.
Du weiß joh immer schöner, Kölle ming Vatterstadt.

Kwartier Latäng, Frieseveedel, manchmol Naachs jet wild,
Tanzbrunnen, Rheinpark, Seilbahn, wat für eh herrlich Bild.
Uns Stadt es einfach herrlich, schöner noch als Rom
zum Schluss doh lurste immer ob unsere staatse Dom.

Nee, wat es dat edel, mem Räche durch et Veedel
nee wat es dat Krass, nee wat mäht dat Spass.
Fahr ens durch Ding Städche, vür Staune bes de platt.
Du weiß joh immer schöner, Kölle ming Vatterstadt.

Juni 2018 – B.Kox