Steak, Wööschje, Hähnche, bei mir kütt alles drop,
ich jev mer richtig Möh un et schmeck eh suh jot.
Lammkotlett, Burger, Jeflügel udder Beef,
beim mir doh klapp et immer, bei mir jeiht nie jet schief.

Grille dat es es prima, grille dat es krass,
ston ich an mingem Grill, dann han ich richtig Spass.
Ich grille wirklich immer, han grille nur em Sinn,
dat litt wohl dohdran weil ich dä Grillmeister ben.

Gasgrill udder Kolle, dat es mir janz egal,
zur Nuut doh grill ich och op ener Feuerschal.
Thunfesch, Lachs Forelle, ich grille och jän Fesch,
Flammlachs kütt janz leke op ´nem Hozbrtt ob d´r Desch.

Grille dat es es prima, grille dat es krass,
ston ich an mingem Grill, dann han ich richtig Spass.
Ich grille wirklich immer, han grille nur em Sinn,
dat litt wohl dohdran weil ich dä Grillmeister ben.

Marinade udder Sösje, die mäht dann flöck ming Frau,
wat un wo dabei jehürt, dat weiß die janzjenau.
Brut, Öllich, Kartoffel un suh manch Jemös,
doh kann se wirklich ales, mohl scharf un mohl janz söß.

Grille dat es es prima, grille dat es krass,
ston ich an mingem Grill, dann han ich richtig Spass.
Ich grille wirklich immer, han grille nur em Sinn,
dat litt wohl dohdran weil ich dä Grillmeister ben.