Et letzte Hemp, dat hätt keen Täsche,
de Herrjott fröch nit, wors Du ärm udder rich.
Et letzte Hemp dat hätt keen Täsche,
fürm Himmelspötzje sin mir all glich.
De Jupp, dat wor ´ne jode Kähl, hä wot nur Fuss jenannt,
hä wor he üvverall belieb un en dr Stadt bekannt.
En unsrer Kneip, doh soh mer en, he jov hä ov en Rund.
De Deckel dä wor immer voll, ejal wär met im doh stunt.
wofür die Rund frochten de Lück dä Jupp ov frech?
Für eh Kölsch bruch mer keine Grund, et letzte Hemp dat hätt keen Täsch.
Et letzte Hemp, dat hätt keen Täsche,
de Herrjott fröch nit, wors Du ärm udder rich.
Et letzte Hemp dat hätt keen Täsche,
fürm Himmelspötzje sin mir all glich.
Et Rita wor en nette Frau un immer hilfberick
Hat einer Nut, dann wor et doh, et hatt für jeden Zick.
Et wor sich och vür nix zoh schad, et maaht wat nüdich wor,
ejal wat och passiere dät, et Rita wor ald doh.
Un wullt mor im jet jevve, uss Dankbarkeit zoh Rech,
dat saht dat Rita immer nee, et letzte Hemp, dat hätt keen Täsch.
Et letzte Hemp, dat hätt keen Täsche,
de Herrjott fröch nit, wors Du ärm udder rich.
Et letzte Hemp dat hätt keen Täsche,
fürm Himmelspötzje sin mir all glich.
Ach Hännesje ach Bärbelche wör dat nit wunderbar
de Minsche wören all esuh, mer kömen all jot klar.
Keiner wör jet bessere, mer wören alle jlich
jeder help dem andere ejal ob ärm ob rich.
Dat jit et nur em Hännesje, dat jit et nit en escht
dröm denk bitte immer dran, et letzte Hemp, dat hätt keein Täsch.
Et letzte Hemp, dat hätt keen Täsche,
de Herrjott fröch nit, wors Du ärm udder rich.
Et letzte Hemp dat hätt keen Täsche,
fürm Himmelspötzje sin mir all glich.
Et letzte Hemp, dat hätt keen Täsche,
de Herrjott fröch nit, wors Du ärm udder rich.
Et letzte Hemp dat hätt keen Täsche,
fürm Himmelspötzje sin mir all glich.
Januar 2020 – B.Kox