Mädcher, lot üch nix verzälle,
de schönste Junge komme uss Kölle.
Se sin ihrlich un treu, han et Hätz am rechte Fleck
glöcklich es, wer  ´ne kölsche  Fetz jefunge hätt.

Du bes allein, et Hätz es leer, ´ne neue Käl muss her.
De janzen Daach im Internet et söke fällt Dir schwer.
Der wor zoh kleen, dä wor zoh alt un dä jov Dir ne Korv.
Met dem doh fängste janix an, dä es uss Düsseldorf.

Mädcher, lot üch nix verzälle,
de schönste Junge komme uss Kölle.
Se sin ihrlich un treu, han et Hätz am rechte Fleck
glöcklich es, wer  ´ne kölsche  Fetz jefunge hätt.

Du häs en lange List jemaaht, wat Du Dir suh ersehnst.
Hä sull schön, reich un lecker sin, dat häs Du dir verdeent.
Ne Kölsche Jung, der hät dat all, dä lät Dich nit mieh loss,
Hä läd de Welt zoh Föösse Dir, ejal wat et och koss.

Mädcher, lot üch nix verzälle,
de schönste Junge komme uss Kölle.
Se sin ihrlich un treu, han et Hätz am rechte Fleck
glöcklich es, wer  ´ne kölsche  Fetz jefunge hätt.

Ne kölsche Jung, der mäht Dir dann de Himmel ob d´r Ääd.
Du bes für in et Hätz dä Welt, wenn hä Leckerche zoh Dir säht.
Hä dräht Dich ob de Häng wohl et janze Levve lang.
Dröm rot ich Dir, lur richtig hin, nemm Dir ´ne kölsche Mann.

Mädcher, lot üch nix verzälle,
de schönste Junge komme uss Kölle.
Se sin ihrlich un treu, han et Hätz am rechte Fleck
glöcklich es, wer  ´ne kölsche  Fetz jefunge hätt.

Mädcher, lot üch nix verzälle,
de schönste Junge komme uss Kölle.
Se sin ihrlich un treu, han et Hätz am rechte Fleck
glöcklich es, wer  ´ne kölsche  Fetz jefunge hätt.

Februar 2020 - B.Kox