Refr.
Lur immer en de Sun, dann sin de Schatte hinger Dir.
Wat Du mache muss, dat dun, dann öffnet sich en Dür.
Noh jeder dunklen Zick, weiht et widder hell.
Nemm et Levve wie et es, et ändert sich suh schnell.

1.
Dingen levste Schatz“for evver“ es plötzlich nit mieh doh.
Hä läuv jetz met ner Anderen, dat weiht Dir plötzlich klor.
Ding Hätz, dat es jebroche et deiht suh furchbar wieh,
dann liers Du einer kenne, dä es suh söß wie nie.

Refr.
Lur immer en de Sun, dann sin de Schatte hinger Dir.
Wat Du mache muss, dat dun, dann öffnet sich en Dür.
Noh jeder dunklen Zick, weiht et widder hell.
Nemm et Levve wie et es, et ändert sich suh schnell.

2.
Dinge Pap, dä es jesturve et Hühle nimp keen Engk.
Hä hätt Dir suvill beijebraht, hätt Dich stets jelenk.
Du erinners Dich an alles, wat Hä Di beijebraht
un jrad en suh ner dunklen Zick, hätt Hä zoh Dir jesaht.

Refr.
Lur immer en de Sun, dann sin de Schatte hinger Dir.
Wat Du mache muss, dat dun, dann öffnet sich en Dür.
Noh jeder dunklen Zick, weiht et widder hell.
Nemm et Levve wie et es, et ändert sich suh schnell.

3.
Du häs dinge Job verlore, de Firma jing bankrott.
Muss vun Hartz vier jetz levve, alles kütt zoh kot.
Dann häs Du die Idee, mähs selvs `ne Lade op,
Et schingk och jot zoh klappe, Du bes widder jot drop.

Refr.
Lur immer en de Sun, dann sin de Schatte hinger Dir.
Wat Du mache muss, dat dun, dann öffnet sich en Dür.
Noh jeder dunklen Zick, weiht et widder hell.
Nemm et Levve wie et es, et ändert sich suh schnell.

Juni 2021 – B.Kox