1.
Unger Träne häs Du et mir dohmols jesteck,
„Ich ben schwanger un minge Typ, der es weg.“
„Wat sull ich nur met dem Kind allein maache?“
Doch schun bal däht et Dich et eztemol anlaache.
Verjesse woren schnell Surje un Ping,
jetz hatt`s Du Dinge Sunnesching.
Refr.
Ich ben stolz op Dich, dat häs Du jot jemaaht
un doch han ich et Dir noch nie jesaaht,
wat Du jeschaff häs, dat bruchs Du nitt zoh verstecke,
de Hot, däh muss mer vür Dir trecke.
2.
De Däuf, de Kinderjaade un de Schol,
ühr Levve wor wirklich sorjevoll.
Alles mohts allein Du maache,
et jov vell zoh kriesche un winnich zoh laache.
Su ov nohm dat kleen Dich mächtig eran,
dann wors Du de Pap un dann wors Du de Mam.
Refr.
Ich ben stolz op Dich, dat häs Du jot jemaaht
un doch han ich et Dir noch nie jesaaht,
wat Du jeschaff häs, dat bruchs Du nitt zoh verstecke,
de Hot, däh muss mer vür Dir trecke.
3.
„Kannst Du hück ens op dat Kleen oppasse?
Ich han `ne Termin, darf däh nitt verpasse.“
Ich kom jään, un maaht Dir keene Stress,
ich dach mir dat Du e Blind Date häs.
Ne Neue hätt ich Dir vun Hätze jejönnt,
dä zoh Dir un dem Kleen stünnt.
Refr.
Ich ben stolz op Dich, dat häs Du jot jemaaht
un doch han ich et Dir noch nie jesaaht,
wat Du jeschaff häs, dat bruchs Du nitt zoh verstecke,
de Hot, däh muss mer vür Dir trecke.
4.
Jetz es dat Kleen ald nit mieh kleen,
et steiht op singer eijene Beein.
Et es hell em Kopp, freundlich un nett,
Hück strahlt ihr zwei su öm de Wett.
Dohmols hätt`s Du dat niemols jedaach,
dat Dir et Leevve noch ens suh herrlich laach.
Refr.
Ich ben stolz op Dich, dat häs Du jot jemaaht
un doch han ich et Dir noch nie jesaaht,
wat Du jeschaff häs, dat bruchs Du nitt zoh verstecke,
de Hot, däh muss mer vür Dir trecke.
November 2003 - B.Kox