1.
De Fastelovendszick es endlich widder doh
un Du hängs an minger Stammkneip, et es wirklich wor.
Du sühs wer kütt un och wer jeiht, Du hängs joh huh jenoch
Du häs de beste Sicht op de Rusemondaachszooch.
Refr.
Nubbel leven Nubbel, doh bes Du joh,
e janz Jöhrche wors Du nit mieh doh.
Loss mich nitt suh lang vür de Wetschaff stohn,
nee, loß mer ens zohsamme eine drinke jon.
Denn wenn Du wills, dat ich ens zoh Dir hahle,
dann muß Du dies Johr ens minge Deckel zahle.
2.
Die Naach vür Äschemettwoch, doh kreste Du se jeschant,
doh hätt schun manch einer, de Puckel Dir verbrannt.
Trotzdem läß Du dich jedes Johr em Fastelovend blecke,
ich jläuv Du häs uns wirklich jän, uns die kölsche Jecke.
Refr.
Nubbel leven Nubbel, doh bes Du joh,
e janz Jöhrche wors Du nit mieh doh.
Loss mich nitt suh lang vür de Wetschaff stohn,
nee, loß mer ens zohsamme eine drinke jon.
Denn wenn Du wills, dat ich ens zoh Dir hahle,
dann muß Du dies Johr ens minge Deckel zahle.
3.
Wenn mer doh drenne fiere, dann hängs Du vür de Dür,
dat Dich ens einer enläd, ich jläuv dat kütt nit vür.
Dat de Karneval zoh Eng jeiht, mer säht et löch an Dir,
ich weiß nit ob dat stemmp, ich drink ob Dich eh Bier,
Refr.
Nubbel leven Nubbel, doh bes Du joh,
e janz Jöhrche wors Du nit mieh doh.
Loss mich nitt suh lang vür de Wetschaff stohn,
nee, loß mer ens zohsamme eine drinke jon.
Denn wenn Du wills, dat ich ens zoh Dir hahle,
dann muß Du dies Johr ens minge Deckel zahle.
März 2005 - B.Kox