Refr.
Ene Friedhoff es für mich de schönste Hoff,
et es kaum zoh jläuve doch he trifste mich off.
He es et ruhig, sowohl usse als och enedren,
wenn ich krieche möch, es dat he nit schlemm.
1.
He liejen all die Minsche, die Du ens jot jekannt.
Met dem Een un dem Andere bes Du sujar verwand.
He häs Du Erinnerunge, jode un och schlechte.
Mancher lurt he, jeden Daach nohm Rechte.
Refr.
Ene Friedhoff es für mich de schönste Hoff,
et es kaum zoh jläuve doch he trifste mich off.
He es et ruhig, sowohl usse als och enedren,
wenn ich krieche möch, es dat he nit schlemm.
2.
He verzälle ich met dene, die en mingem Hätze sin,
manch einer denk bestemp, dä hät doch ene Splin.
Doch ich weiß janzjenau, dat ihr zohüre doot
un mer, ich ben janz ehrlich, deiht dat richtig jot.
Refr.
Ene Friedhoff es für mich de schönste Hoff,
et es kaum zoh jläuve doch he trifste mich off.
He es et ruhig, sowohl usse als och enedren,
wenn ich krieche möch, es dat he nit schlemm.
3.
Un lieje ich dann och ens doh, dann kutt all zoh mir,
ich wäht met üch verzelle, suh stell ich mer dat vür.
Ich freu mich üvver jeden un nemme mer och Zick.
Ihr künnt laache udder hühle, mich stürt dat wigger nitt.
Refr.
Ene Friedhoff es für mich de schönste Hoff,
et es kaum zoh jläuve doch he trifste mich off.
He es et ruhig, sowohl usse als och enedren,
wenn ich krieche möch, es dat he nit schlemm.
April 2015 – B.Kox