Wenn einer jeiht
1.
Wenn einer jeiht fehlt hä sofort, en der Sekund,
fehlt jedes Johr , jede Woch, jeden Dach, jede Stund.
Dann fehlt dir ene Bleck, eh Lache, eh Woot , ene Rot,
die Trauer ersteck Dich, et Leid määht Dich kapott.
Refr.
Die Erinnerung bliev un es eh wunderbar Land
uss dem Üch keener verdrieve kann.
Einer es nit mieh doh, wo hä immer wor
doch hä es üvverall wo Du wills, dat es für mich klor.
Friedhoff
Refr.
Ene Friedhoff es für mich de schönste Hoff,
et es kaum zoh jläuve doch he trifste mich off.
He es et ruhig, sowohl usse als och enedren,
wenn ich krieche möch, es dat he nit schlemm.
1.
He liejen all die Minsche, die Du ens jot jekannt.
Met dem Een un dem Andere bes Du sujar verwand.
He häs Du Erinnerunge, jode un och schlechte.
Mancher lurt he, jeden Daach nohm Rechte.
1.
Dat Kind moht sterve bloß weil einer Loss doh drop hat.
He ihr Kinderschänder, ich ben dat suh satt.
Woröm schläht de Blitz nitt en, bevür Hä dem Kind jet deiht?
Herrjot erklär et laut, domet et jeder Versteiht?!
Refr.
Herrjott, Du bes allmächtig, suh woht et mer immer verzallt.
Wenn dat Ding Allmacht es, dann weiht et einem kalt.
Et einzije Arjument wann en surenem Fall noch zällt,
doh wor widder einer zoh jot vür die Welt.
Ene letzte Danz Jagger
Ene letzte Danz
1.
Jez bes Du enjeschloofe un läß mich he allein,
et deiht esu wie, ich hatt Dich doch suh jäähn.
Unser Levve läuf jrad wie ´ne Film für mer avv,
jez lurs Du vun bovve nur noch ob mich erav.
Refr.
Dich wäd ich nie verjesse, Schatz.
En mingem Hätze es für Dich immer ene Platz.
Wie jän hätt ich noch ens met Dir je danz,
doch ich weiß och, niemols jeiht mer suh janz.
Jott jev nitt op
Dä Herjott soß em Himmel
un lurte uss singem Zelt.
Hä säht:“Doh weiht nur noch jerav,
et Jeld rejiert de Welt.“
„Su han ich dat doch nitt jewullt,“
hätt Hä bei sich jedaach
Hä satz sich ob en dunkle Wolk
un hätt nitt mieh jelaach.
Refr.
Jott, jevv nitt op!
Bes Du och nitt jot drop.
Jank lever ene drinke
Dun uns vun bovve winke.
Op Dich lurt de Welt,
Du bes unsre Held.