Ich ben ene Immi

Liedtexte

 

1. Strophe

Ich ben ene Immi, dat es nun mol esuh,
ich levve en Kölle, dat määht mich fruh.
Ich verstonn „Joden Daach“ udder maach et joot.“,
ävver dann hürt et bei mir och ald opp.

„Komm, Jung, loss jonn, maach kein Fisematente!“
Jede Immi hätt sing Talente.
„Häs de Knies en de Botz, oder bes de jeck?“
He hür Dinger Fründe zoh, die han et jescheck?

Refrain
Helft mer, Fründe, ich ben ene Immi,
bringt mer Kölsch bei, söns liere ich et nimmieh.
Schnüss, Pänz, Föttche, Plüschprumm,
ich übe immer wigger, ich ben joh nit dumm.

Helft mer, Fründe, ich will et verstonn,
denn Kölsch es schön, wenn mer et kann.
Un wenn ich fleißig üühbe, dann weiht et wor,
dann schwade ich Kölsch wie ihr, dat es joh wohl klor!

2. Strophe

De Pänz, dat sin de Kinder, och Puute jenannt.
De Schnüss es de Mund – han ich nit jekannt.
De Fott es dä Hintern, dat weiß ich jetz och,
un „Bützje“ es e Küssje – die maach ich och!

Ne „Schlawiner“ es einer, dä trickse kann,
ne „Tünnes“ es manchmool ene koomische Mann.
„Jeck“ kann verröckt, ävver och herrlich sin,
un em Fastelovend stich dat suhwiesuh en jedem dren.

Refrain
Helft mer, Fründe, ich ben ene Immi,
bringt mer Kölsch bei, söns liere ich et nimmieh.
Schnüss, Pänz, Föttche, Plüschprumm,
ich übe immer wigger, ich ben joh nit dumm.

Helft mer, Fründe, ich will et verstonn,
denn Kölsch es schön, wenn mer et kann.
Un wenn ich fleißig üühbe, dann weiht et wor,
dann schwade ich Kölsch wie ihr, dat es joh wohl klor!

3. Strophe

„Luur ens!“ heeß Schau doch mal,
„Hür ens!“ heeß: Hör mal – überall.
„Mach et joot“ heißt Abschied nemme,
un „Et kütt wie et kütt“ du muss et suh nemme.

„Drink doch ene met“, dat kann ich schon,
bei dem Satz brauch ich keen Lektion.
Bei Kölsch un Musik, doh liere ich flöck,
un verston wat et heeß, wenn et mich jöck.

„Wat soll dä Quatsch?“, „Bes de beklopp?“
„Jangk mer nit op der Keks!“ – jetz passe ich op.
„Dat flupp!“ heiß, dat klappt wunderbar,
un „Et hätt noch immer jot jejange“ – et es wunderbar!

Plüschprumm, Kniesbüggel, Fisternöllche,
Bützje, Schnüss un eh Knöllche.
Pänz, Schääl Sick, Veedel un Vatter Rhing,
ich liere die Wööder un alles määht Sinn!

Klüngel, Jeck, Tünnes, Schäng,
am Anfang wor dä Satz noch lang.
Doch jeden Daach e Wöötche mieh,
un langsam klapp et, besser wie nie!


Refrain
Helft mer, Fründe, ich ben ene Immi,
bringt mer Kölsch bei, söns liere ich et nimmieh.
Schnüss, Pänz, Föttche, Plüschprumm,
ich übe immer wigger, ich ben joh nit dumm.

Helft mer, Fründe, ich will et verstonn,
denn Kölsch es schön, wenn mer et kann.
Un wenn ich fleißig üühbe, dann weiht et wor,
dann schwade ich Kölsch wie ihr, dat es joh wohl klor!


Ich wor ene Immi, doch dat es vorbei,
jetz verstonn ich alles ben medden drenn dohbei.
Ming Fründe han mer Kölsch beijebraaht.
Mer han Kölsch jedrunke, jesunge un jelaach.

Jetz han ich et Hätz op d´r Zung
un ich spreche Kölsch leeven Jung.

Ich han et endlich jeschaff
dohdrop dreimol Kölle Alaaf.

Oktober 2026 B.Kox

Kölle Danz Tanzcorpsleed

Liedtexte

Alaaf, Alaaf – jetz jeeht et loss,
Kölle danz un zwar janz jroß!
Vum Eigelstein bis an dä Rhing,
hück danzt he wirklich Jruuß un Kleen.

Strophe 1
De Agrippina Colonia kütt en de Saal,
de Brücker Tanzmüüs springe direkt hingerher – genial!
De FC-Cheerleader fleege durch de Luff,
un de Heinzelmänncher sare: „Jung, dat es noch lang nit jenoch!“

De Dellbröcker Boore met Schnäuzer em Jeseech,
die schwinge de Been – do hältste dich nit!
Kammerkätzchen un Kammerdiener sin parat,
un de Kölner Paulinchen danze durch de janze Stadt.

Refrain
Hey! Kölle danzt, Kölle springk,
bis dä janze Gürzenich singk!
Links eh Been, rechs eh Been,
hück will jeder Tänzer sin!

Hey! Kölle danzt, Kölle laach,
mer maache durch de janze Naach!
Ob Rut, ob Wieß, ob Blau dohei –
Hauptsach Kölle: Alaaf, Alaaf, Alaaf!

Strophe 2
De Kölsche Greesberjer sin längst schon doh,
Kölsch Hännesje och, dat wor doch klor!
De Originalmatrosen vum Müllemer Böötche,
schunkele vorbei un danze uss de Reih.

De Pänz us Bickendorf han richtig Schwung,
de Echte Fründe sin noch immer jung.
Himmlich Jeck uss Kerpen, dat es klar,
un Colonia Rut Wiess danzt wunderbar.

Dann kütt de Luftflotte – Achtung, Start!
Die fleeje durch dä Saal op kölsche Art.
De FiFos roofe: „Jetz sin mir dran!“
un Echt Kölsch Hätz hängt sich direkt dran.

Rap-Break
Sandhas, Sandhas – hopp, hopp, hopp!
De Fidele Sandhasen sin ganz vorn op Top.
De Große Allgemeine kütt met Schwung,
un de Rheinmatrosen mache dä Saal widder jung!

Refrain
Hey! Kölle danzt, Kölle springk,
bis dä janze Gürzenich singk!
Links eh Been, rechs eh Been,
hück will jeder Dänzer sin!

Hey! Kölle danzt, Kölle laach,
mer maache durch de janze Naach!
Ob Rut, ob Wieß, ob Blau dohbei –
Hauptsach Kölle: Alaaf, Alaaf, Alaaf!

Strophe 3
De Kölsche Harlequins kunterbunt,
de kölsche Stäänefleejer fleege ihr Runden rund.
De Höppemötzjer hüppe wie verröck,
do wackelt selbst dä Dom eh kleen Stöck!

De Isenburger Mädcher un Junge sin parat,
de Blaue Jungs marschiere durch de Stadt.
De Kölner Rheinveilchen wirbele vorbei,
un de Rheinflotte ruft: „Mer sin och dohbei!“

De Stadtgarde kütt – „Ahoj, Ahoj!“
Doh jubelt dä Saal: „Wat sin mer fruh!“
Hellige Knäächte un Määchte Hand en Hand,
danze jemeinsam durch et Kölner Umland.

De Winzer un Winzerinne vun d’r Bottmüll dohbei,
un de Zunft-Müüs roofe laut:
„Drei mol Kölle – Alaaf!“

Ejal ob Dänzer, Marieche udder Jung,
Kölle hält uns all zesamme un dat hält uns jung!
De Musik es laut, de Saal es voll,
un jeder Jeck weiß janz genau, dat es doll.


Springe! Danze! Schunkele! Laache!
Kölle kann et eenfach maache!
Vom Rhing bis huh zum Dom erop:

KÖLLE – ALAAF!
KÖLLE – ALAAF!
KÖLLE – ALAAF!


Kölle bleibt Kölle Köln Rap

Liedtexte

 

Kölle bleibt Kölle (Köln Rap)

Kölle bleibt Kölle, ejal wie et kütt.
Dom in der Skyline, die ganze Stadt zieht mit.
Kölsch in der Hand, Bass in der Nacht.
Rusemondaach Straße, bis Kölle kracht.

Fastelovend. Ausnahmezustand.
Konfetti am Dress. Kölsch in der Hand.

 

Kamelle fliegen.
Strüßjer im Wind. Kölle wird laut,
weil mir Jecke sind.
Bützjer links, Bützjer rechts.
Jeder singt mit. Keiner bleibt weg.

Kneipe voll.Boxen laut.
Bass geht tief. Gänsehaut.
Bläck Fööss, Brings am Start.
Höhner laut, Kölsche Art.
Räuber. Paveier, Kasalla im Haus.
Cat Ballou, DÜX – Kölle rastet aus.

Kölle bleibt Kölle, ejal wie et kütt.
Dom in der Skyline, die ganze Stadt zieht mit.
Kölsch in der Hand, Bass in der Nacht.
Rusemondaach Straße, bis Kölle kracht.

Kingsize Dick. Mic in der Hand.
Linda Lu dabei. Kölle außer Rand.
Kein Gold am Hals, doch Dom im Blick.
Kein Hollywood, dat es Kölle-Chic.

 

Rhein an der Seite. Veedel im Blut.
Beat in der Brust. Laune verdammt gut.
Keine Maske. Keine Show.
Kölle ist echt. Kölle ist so.

Tausend Städte.Tausend Lichter.
Doch unser Dom leuchtet immer dichter.
Morgen kommt. Beat wird klein.
Doch eines bleibt: Kölle ist mein.

Kölle bleibt Kölle, ejal wie et kütt.
Dom in der Skyline, die ganze Stadt zieht mit.
Kölsch in der Hand. Bass bis zum Schluss.

Kölle im Hätze. Dat es, wat muss.
Kölle bleibt Kölle. Tag oder Nacht.
Einmal Kölle – für immer Kölle

September 2026 B.Kox

Lück wie ich un Du (Lied 2026)

Liedtexte

1.
Hätt hä en Pappnaas an, dann sühste et nit,
uss welchem Land dä Panz wohl kütt?
Italien, Griechenland udder Türkei,
als Clown doh es dat einerlei.
Op schwaz, brung udder wiieß, dat es doch ejal,
jäähn laache deet mer üvverall.

Refr.
Jede Jeck es anders,
dat es nun mool ehsuh
de Welt es bunt, dat es jot
un määht mich richtig fruuh,
denn et sin doch alles, Lück wie ich un Du.

 
2.
Süüht mer wie joot de Pänz sich verstonn,
muß mer als Erwachsene en sich jon.
"Wie jähn ich Gyros un Pizza esse,
Sirtaki danze nitt zooh verjesse,
en Urlaub faahre, jrad en die Länder,
kütt dä Sommer em Kalender.

Refr.
Jede Jeck es anders, 
dat es nun mool ehsuh
de Welt es bunt, dat es jot
un määht mich richtig fruuh,
denn et sin doch alles, Lück wie ich un Du.

3.
Wat sin die Lück dooh nett zooh mer.
Kann ich dat saare och vun mer?"
Dröm denk dooh draan em Fastelovend,
Vielleich och hück, an dissem Ovend.
Triffs de 'ne Ussländer, dann sei zoh em nett,
un sach:"Kumm, drink doch ene met."

Dann weit dä Ovend noch vell schööner,
ihr singt zosamme, dat Leed vun dä Höhner.
"Echte Fründe..." en alle Sproche der Welt.
Dat wör jet, wat mer jefällt.

Refr.
Jede Jeck es anders, 
dat es nun mool ehsuh
de Welt es bunt, dat es jot
un määht mich richtig fruuh,
denn et sin doch alles, Lück wie ich un Du.jebröht
 

Bliev wie Du bes (Lied 2026)

Liedtexte

1.

He Du fussich Julche, lur doch nitt suh fresch,
Hür ens all die Punkte sin die wirklich echt?
Sommersprosse üvverall, wie sühs Du dann nur uss?
Un als Krone der Schöpfung, bes Du och noch fuss.

Refr.
Bliev wie Du bes, denn wie Du bes, suh bes Du joot!
Wer jet anderes sät, der es ´ne Idiot!
Bliev wie Du bes, suh määhs Du Dinge Wääch,
suh wie Du bes, suh bes Du winistens echt.

2.
He Du kleene Deck, Du bes joh huh wie brick.
Nemm 20 Kilo avv, dat kress Du doch jeschaff.
He Du schmale Lang, Du bes en Bunnestang.
Sich dat Du jet friss un jet op de Ribbe kress.

 

Refr.
Bliev wie Du bes, denn wie Du bes, suh bes Du joot!
Wer jet anderes sät, der es ´ne Idiot!
Bliev wie Du bes, suh määhs Du Dinge Wääch,
suh wie Du bes, suh bes Du winistens echt.

3.
Hey Du junge Minsch, wat hängs Du ov em Klinsch?
Loss Dich nitt verbeeje un dun keener belege.
Jang immer feste ran, stonn immer Dinge Mann.
Hür nitt ob jedes Verbot, vell Röckrat steiht Dir joot.

Refr.
Bliev wie Du bes, denn wie Du bes, suh bes Du joot!
Wer jet anderes sät, der es ´ne Idiot!
Bliev wie Du bes, suh määhs Du Dinge Wääch,
suh wie Du bes, suh bes Du winistens echt.

4.
Hey Du staatse Frau, Du bes vieleich en Schau.
Kütt Dir einer fies, wie Du dann kratz un biess.
Loß Dir nix jefalle, zeich lever ens Ding Kralle.
Denn bes Du immer keck, dann hätt mer och Respekt.

Refr.
Bliev wie Du bes, denn wie Du bes, suh bes Du joot!
Wer jet anderes sät, der es ´ne Idiot!
Bliev wie Du bes, suh määhs Du Dinge Wääch,
suh wie Du bes, suh bes Du winistens echt.

5.
De Hoor jefärv, Jeseech jelift un Silikon kom en de Bruss,
Em Studio janz brung jebrannt, sach bes Du dann bestuss?
Wer es die Stemm en Dingem Kopp, die Dir dat alles säht,
Wat ene Minsch vun Hück, dann noch besser määht.

Refr.
Bliev wie Du bes, denn wie Du bes, suh bes Du joot!
Wer jet anderes sät, der es ´ne Idiot!
Bliev wie Du bes, suh määhs Du Dinge Wääch,
suh wie Du bes, suh bes Du winistens echt.

 

04.04 B.Kox

 

Sibbejebirg

Liedtexte

Sibbejebirch

1.
Siebe Riese hatte sibbe Schöppe, en ihrer riesen Hand
Se komen uss Holland un jingen uns he zur Hand.
Se woren jruß un wirklich stark, un usserdem janz Braave
Se sullten am See bei Königswinter ene Wasserablauf grave.

De Schöppe woren voll vun Dreck, se mohten en Paus ens maache,
Se han ihr Werckzeug sauber jemaaht un woren dohbei am laache.
Un wor der Dreck all hinfeehl, se han et schnell erkannt,
doh sin jetz die sibbe Berje, et Sibbejebirch jenannt.

Refr.
Uns schön Sibbejebirch, süht schon vun Wiggem schön uss.
Et litt doh, suh erhaben, küss Du vun Fään noh huss.
Die sibbe Berch, suh herrlich ston se doh am Rhing.
Mythen un och Märche, doh steck vell Worheit dren.

2.
Unverwundbar wullt hä sin, dä Siegfried he am Rhing.
Ich töte dä Drachen Fafnir, suh kom et im en de Sinn.
Ich bade dann en singem Blot, dat deeht mer wirklich jot,
ich wäde unverwundbar, vum Kopp bis an de Fott.

Ob et wirklich esuh wor, dat weeß mer bis hück nit,
weil et och noch en andere Sage üvver dat Spellche jit.
En Jungfrau met nem Kruzefix, die hätt dat Spell dann be enk,
Se hätt dä Drachen am Drachenfels, dann em Rhing versenk.


Refr.
Uns schön Sibbejebirch, süht schon vun Wiggem schön uss.
Et litt doh, suh erhaben, küss Du vun Fään noh huss.
Die sibbe Berch, suh herrlich ston se doh am Rhing.
Mythen un och Märche, doh steck vell Worheit dren.

3.
Sibbe Berch un manche Burge, wie schön es dat he all,
manche Wanderer uss aller Welt läuv durch et Nachtigallental.
Löwenburch, Ölberg un de Lohrberch, suh liejen se Berch an Berch.
Zwei Fraulück Zohflocht sökte, se fürchteten sich ärch.

Om Nonnenstromberch irrten se durch Wälder und durch Auen,
Schutz jov inne dann die Höhle der frommen Frauen.
De Wolkenburch süht mer schlääch, weil se mechtens en de Wolke lit,
Petersberch, Petrus jeweiht, mer verzällt, dat et he eh Liebesbrünnche jit.


Refr.
Uns schön Sibbejebirch, süht schon vun Wiggem schön uss.
Et litt doh, suh erhaben, küss Du vun Fään noh huss.
Die sibbe Berch, suh herrlich ston se doh am Rhing.
Mythen un och Märche, doh steck vell Worheit dren.


Refr.
Uns schön Sibbejebirch, süht schon vun Wiggem schön uss.
Et litt doh, suh erhaben, küss Du vun Fään noh huss.
Die sibbe Berch, suh herrlich ston se doh am Rhing.
Mythen un och Märche, doh steck vell Worheit dren.




Bernd Kox Juni 2026

  1. Sommerhit
  2. Dä deutsche Adler schlöf KI
  3. Einen Kaffee mit Dir
  4. Lur immer en de Sunn
  5. Düxer Mädche
  6. Ene kölsche Schuss Mutti (Männerversion)
  7. Bliev mer fott
  8. Himalaya
  9. Jetz han mer dä Salat
  10. Ene kölsche Jeck, Mutti
  11. Maskenball
  12. Zohsamme sin mer Fastelovend
  13. En söße Harmonie
  14. Zesamme (Ubuntu)
  15. Junge uss Kölle
  16. Ming Jittar es beklopp
  17. De leckerste Mädcher
  18. Mädcheovend
  19. Jung wie ihr
  20. Veedel
  21. De Grillmeister
  22. Doosch es schlemmer als wie Ping
  23. Et es wie et es
  24. Alaaf
  25. Jode ahle Rhing
  26. Hand en Hand (Pflegenotstand)
  27. Jedem Jeck ene Baum
  28. Unge am Rhing
  29. Et Hätz ob d`r Zung
  30. Uns kölsche Orijinale
  31. Mem Rädche durch et Veedel
  32. Hipp Hopp kleene Stropp
  33. Uns Sproch es Heimat
  34. Tass Kaffee
  35. Ich jon angele
  36. Wat es dat für en Welt
  37. Dat sin Daach
  38. Ming Leeder
  39. Rhingpirate
  40. Vollmond, ein bisschen Bluna
  41. Wenn alles passiert wat passiere künnt
  42. Blossmusik un Rock n Roll
  43. Hürt op met dem Dress
  44. Üvver de Schwell
  45. Du wills minge Schlipps han
  46. Ich han keen Zick
  47. Wenn ich dann für Dich singe
  48. Die met dem Jras danz
  49. Du en Dinger Welt
  50. www.Keene Müll mieh.de
  51. Loss se kumme
  52. Dilledopp
  53. Indianer krieche nitt
  54. Dä Nubbel
  55. Mallorca am Rhing
  56. Kilometer 689
  57. Alleinertreckend
  58. Du määhs dat schun
  59. Nohborskatz
  60. Frauenversteher
  61. Em Jaade
  62. Dreitagebart
  63. Vatter Rhing
  64. Un Hück, hück bes Du Du
  65. Wie wor dat nur möchlich
  66. Superstar (Deutschland sucht...)
  67. Single
  68. Singe Deckel
  69. Dosch es schlemmer wie Ping
  70. Paybackkaat
  71. Flaschenpost uss der verboddenen Stadt
  72. Du mähs dat schun
  73. Dä Appel fällt nitt wick vum Baum
  74. D`r Zoch kütt
  75. Blomemädcher
  76. Bliev wie Du bes
  77. Ich will nit ohne Dich laache
  78. Jesök un jefunge
  79. Ich ben de Jagger
  80. Janz Kölle steiht Kopp
  81. Fastelovendszick
  82. Mer sin stolz echte Kölsche zoh sin
  83. Mach de Äuelche zoh
  84. Alles Jode (Jebootsdaachsleed)
  85. Marlboro Man
  86. Ich han Dich
  87. Planchbecken
  88. Medden em Mehr
  89. Ich vermess Dich
  90. Mer sull sing Laache verschenke
  91. Spellstroß
  92. Zwei Bröcke Männche

Seite 1 von 17