Se sin nit langsam, sit mer nit kott
se sin iher schnell un zwar schnell fott
se schmecken wirklich jedem lecker
selvs jebacke udder vum Bäcker.
Zimtschnecke sin eh Sößjebäck
wat nit nur en Skandinavien schmeck.
Doh sin se beliebt un sehr bekannt
un wäden Kanelbulle jenannt.
Dezember 2013 – B.Kox
Bewertung: 5 / 5
Ich ben doch nit Jeck man,
Ich kauf mir ene Weckmann
Dä dun ich janz keck dann
en ming versteck dann.
Dä löstije Stropp
zwei Risinge em Kopp
en janz wieße Pief
an singen liev.
Es et druße kalt
dann weiht dä nit alt
ich weiß et jenau
dä schmeck met Kakao.
November 2012 – B.Kox
Och es dat leev, dat kleene Dir,
ich jev et nit mieh her, dat es jetz mir.
Ming kleen Fierke, minge Aurestän
ich han dich wirklich zum fresse jähn.
mir läuv et Wasser en d´r Schnüss zohsamme
ich muss mich wirklich bal jet schamme
Suh rosa un zart, lurt et mich an,
ming kleen Schweinche uss Marzipan.
Dezember 2010 – B.Kox
Bewertung: 5 / 5
Kaum eine Zentimeter jruss un rund,
pass et jot en minge Mungk.
Singe jroße Broder lit never Fleisch un Jemös,
evver dat Kleen, dat es suh zuckersöß.
Mer bruch se och nit lang zoh koche,
se schmecken och noch noh zwei Woche.
En Zimt un Kakao jot enjeweckelt,
domet et singe Jeschmack entweckelt.
Pass jrad suh ob eh Löffelche
ming Marzipankartöffelche.
November 2007 – B.Kox
Satt mache es secher nit singe Zweck.
Uss Mandele jemaaht, es evver keen Jebäck.
Weckelt mer et uss singem Zellefan,
dann mäht dä Jeruch dich wirklich an.
Enne janz wieß un usse schwatz,
hätt ov jedem Weihnachtsteller singe Platz.
Och es dat lecker, wat schmeck dat jut,
suh eh herrlich, frisches Marzipanbrut.
Dezember 2013 – B.Kox
Bewertung: 5 / 5
De dunkle Johreszick es widder doh
minge Früngk, dä Fuchs, es nit mieh doh.
Stolz stuns Du doh un lurtes ob de Stross
Du levs nit fott, Du wors dä Boss.
Es doh einer wie verröck jeras
udder häs Du einfach nit opjepass?
Ich ben traurig un ich han Wut,
minge Früngk dä Fuchs es duut.
Et wot keene jruße Bohei jemaaht,
Du wots einfach an de Rand jelaaht.
Doh liss Du jetz janz einfach nur,
der Rest, dä regelt de Natur.
Januar 2016 – B.Kox
Spekulatius es eh lecker Jebäck,
wat ich am levste et janze Johr üvver hätt.
Doch bei uns, und at es besonders schick
jitt et dat nur en d´r Weihnachtszick.
Jewürze wie Kardamom, Gewürznelke und Zimt
surje dofür, dat et Aroma stemmp.
Un wenn Du dropp lurs, et es koot verzällt,
weiht Dir och noch de Nickolausjeschichte verzällt.
Em Advent, wirklich eh muss,
dä leckere Spekulatius.
November 2013 – B.Kox
Hosianna, helf uns Gott.
Hosianna, et deiht suh jot.
Hosianna, et es wirklich wor,
Hosianna, Du bes doh.
Hosianna, helf uns Gott.
Hosianna, et deiht suh jot.
Hosianna, et es wirklich wor,
Hosianna, Du bes doh.