- Details
-
Zugriffe: 33
Sommerhit
Et es ehsuh heiß, mir läuv de Schweiß.
Et hätt keene Zweck, dä Planet brennt wie jeck.
Keene Schatte wie fies,
ich ess jetz eh Iies.
Dressich Grad ohwei, Hitzefrei.
Bliev mer vun de Pell, Hitzewell.
Wer hätt dat jedach,
drei T-shirts am Daach.
Dat kunnt keener ahne,
drei Kugeln met Sahne.
Schwemmbad voll, wor sull mer hin
Schwemmbotz an, avv an de Rhing.
En de Schatte läje,
keene Platz jekräje.
Lieje am Rand, Sonnebrand.
Ping nit jekannt, nohm Arzt jerannt.
Wat sull ich sare, et es nit zoh erdrare.
Dat es en Schau, dä Himmel suh blau.
Ich ben et satt, et Wasser weeht knapp.
Ich halt et nit mieh uss, jon nit mieh eruß.
Dat mäht mich froh, et trick sich zoh.
Mer komme de Trääne, et fäng an zoh rääne.
Zwar nur koot, et deeht suh joot.
Sonnebrand quitt, ben widder fitt.
Flöck eruß, wäde bestuß.
Et es beklopp, de Himmel rieß op.
Et es esuh heiß,
mer läuv de Schweiß.
Sonn knallt sick Stunde am Stöck,
Sonnebrand meld sich zohröck.
Radio spellt ob jeder Well,
„Wann wird’s mal wieder richtich Sommer“ vum Rudi Carrell.
Mai 2026 B.Kox
- Details
-
Zugriffe: 127
Der deutsche Adler schlöf
En de sechzijer Johre, suh weht et verzällt,
fuhren deutsche Ingenieure en de janze Welt.
All däten se staunend ob uns luure,
„Made in Germany“ et es zoh beduure.
Hück lööv suh manches he verkeht,
mer hät dat Jefööhl, dat janix mieh jeht.
Nix weht fädich, nix jeeht vüran,
wat es bloß loss en unserem Land?
Refr.
De Welt trick vorbei un häng uns aff.
Beim Adler hängk de Kopp eraff.
Mer hürt deutlich wie alles rööv,
„maht flöck, dä deutsche Adler schlööf“
Fluchhafen, Ooper, Bahnhoff, nix weeht jewupp.
He hätt sick Johre nix mieh jeflupp.
De Koste explodiere, doren han mer Bejabung,
de Steuerzahler mäht dat schun.
Vüürschrifte blockiere jedes Gewerk,
en Jesetze maache, dooh sin mer stark.
Refr.
De Welt trick vorbei un häng uns aff.
Beim Adler hängk de Kopp eraff.
Mer hürt deutlich wie alles rööv,
„maht flöck, dä deutsche Adler schlööf“
Doh wääden Saache durchjedröck,
mer meint, die sin jtotal verröck.
Dä Mautskandal völlig bescheuert
zweihundertdreiunveezich Millionen, bezahlt vun unserer Steuer.
Keener steeht jetz dofür jrad,
jeder hät en Entschuldijung parat.
Die, die bestrov wäde möte,
han eh neu Pössje un sin noch am flööte.
Refr.
De Welt trick vorbei un häng uns aff.
Beim Adler hängk de Kopp eraff.
Mer hürt deutlich wie alles rööv,
„maht flöck, dä deutsche Adler schlööf“
Investiert ens mieh en unser Land.
Uns Scholle sin uss, et es en Schand.
Vür alles es eh Verfalldatum jot,
nur ob Scholltoilette es keines drop.
Se sin ov kapott un stinke für Dreck,
uns ärm Pänz wäden jedesmol dut vür Schreck.
Refr.
De Welt trick vorbei un häng uns aff.
Beim Adler hängk de Kopp eraff.
Mer hürt deutlich wie alles rööv,
„maht flöck, dä deutsche Adler schlööf“
De Autoindustrie, die es am penne,
verliert en d´r E-Mobilität et Renne.
De Arbeiter soll jetz dofür blode
un de Vürständ, die kassiere Millione.
Kaum einer es mieh ehrlich dohbei,
et jeht inne all am Arsch vorbei.
Refr.
De Welt trick vorbei un häng uns aff.
Beim Adler hängk de Kopp eraff.
Mer hürt deutlich wie alles rööv,
„maht flöck, dä deutsche Adler schlööf“
Steich weltweit de Berrel Öl Preis, sin die op Zack.
An d´r Tankstell steig de Preis em Sekundentakt.
Jeht de Preis dann widder erav,
dann han se et noch nie jeschaff,
dann stell ich mer suh ov die Frooch:
„woröm durt en Preissenkung en janze Woch?
Refr.
De Welt trick vorbei un häng uns aff.
Beim Adler hängk de Kopp eraff.
Mer hürt deutlich wie alles rööv,
„maht flöck, dä deutsche Adler schlööf“
Bestell denne Rejierende vun mer schön Jröß,
ihr stooht üch selver ob de Fööss.
Statt jejen enander üvver üch selver zoh schenge,
dät ihr besser unser Land widder noh vörre brenge.
Schneller richtich entscheide wör prima,
für de Infrastruktur und für et Klima.
Bei Entscheidunge sachlich un fachlich richtig ziele
un nit noh Wählerstemme und Beliebtheit schiele.
Sich nit immer noh de Stimmung beje
sondern ens deutlich Rückrat zeije.
Refr.
De Welt trick vorbei un häng uns aff.
Beim Adler hängk de Kopp eraff.
Mer hürt deutlich wie alles rööv,
„maht flöck, dä deutsche Adler schlööf“
Oktober 2024 B.Kox
