Bewertung: 5 / 5

Stern aktivStern aktivStern aktivStern aktivStern aktiv
 

Em Kopp nit janz klar, dat es secher nit doll
sitz hä em Rollstohl, de Windele voll.

Hä kann kaum noch spreche, es och söns nitt jesund,
de Seifer, der läuv ihm uss dem Mungk.

Hä hätt üvverall Ping, et es wirklich schad,
wat hätt der Mann en singem Levve ald alles jemaaht.

Hä wor Ingeneur, hätt Fluchzeuge gebaut,
hätt sich en janze Menge zohjetraut.

Et es erstaunlich un nit jelore
hä hätt die Maschine och selver jeflore.

Hä hätt de janze Welt vun bovve jesin
jetz sitz hä en dem Rollstohl dren.

En Frau, zwei Kinder drei Enkel sujar,
für sie wor hä immer de jrußeStar.

Hus, Auto und Jade, der Famillich zum Wohl
jetz sitz hä en dem blöde Rollstohl.

Anjewiese ob Andere, suh liev hä hück,
evver dat hä ens wie ihr wor, verjesst dat nit.

Wenn ich dohbei an uns Oma denke
dä Satz „Ich will keenem zur Last falle“
kannste Dir schenke. Versproche!

Oktober 2017 – B.Kox

Dienstag, 29 11 2022