Melodie: Angie, Rolling Stones

Angie, Angie
wann hürt dä Flüchtlingsstrom ens ob?
Angie, Angie,
wor die all hinsulle, jeiht uns nit en de Kopp.
Ohne ding Vürsurje un Standhaftichkeit
jöven mer secher schun längs ob.
Du verdeens unsere Respekt.
Angie, Angie,
vür Dir doh trecken ich minge Hot.

Angie, Du mähs dat jot
läß Dich nit beirre vun all dä Köpp.
Angie, all die Egos doh
sin suh kleen en Kopp, Hätz un Geist.

All Ding Dräum sin naiv un richtig,
Du bes standhaft un suh tüchtig.
Suvill Minsche ston zoh Dir.

Angie, Angie,
janz Europa bruch Dich jetz.

Oh Angie, mach nit schlapp,
die Andere bruchen Dinge Rat.
Letzendlich halde seh sich an Dir fest.
Angie, Angie,
vür Dir doh trecken ich minge Hot.

Ohne ding Vürsurje un Standhaftichkeit
jöven mer secher schun längs ob.
Du verdeens unsere Respekt.

Evver Angie,
wat künnen mer noch mache?
Sin ich Dich dann mach ich mer Surje.
All machen Druck ob Dich wat weiht uss Murje?
Kopp huh Du schaffs dat, wer dann söns.

Angie, Angie, keiner kann sare Du hätts et nitt versöck.
Angie, Angie, keiner kann sare Du hätts et nitt versöck.

März 2016 – B.Kox