Bewertung: 5 / 5

Stern aktivStern aktivStern aktivStern aktivStern aktiv
 

Melodie: Ding Muttersproch, äch Kölsch, Eilemann Trio

1.

Du jeihs jogge , ich lang lauve, Du jeihs shoppe ich jon kauve
kanns jot englisch un bes schun janz schön schlau.
Du schrievs Whatsup ich schriev Brefje, häs eh nice Girl, ich eh Levvje.
Noh 10 Kölsch doh bes Du down un ich blau.

Dinge hot Planet es ming Sünnche, häs ´ne Dogsitter ich eh Hüngche
ich ben jot drop, Du immer up to date.
Du mähs Show ob alle Fälle, ich dun jän met Lück verzälle,
drink Kaffe em Setze, Du to go, wenn et jeiht.

Refr.
Kannste och noch Spaß verdrare?
Kannste och noch Blootwooch sare?
Kannste och noch unverfälsch,
Ding Muttersproch, äch Kölsch?

 

2.
Du häs en Festplaat ich minge Kopp, Du bes down, ich schlech drop.
Du määhs eh Update un bes immer ob zack.
Du liss em Chillroom öm zoh lade, ich jon lever en d´r Jade
Dat es NO GO un jeiht Dir ob de Sack.

Du fings Facebook einfach jot, ich Früngde uss Fleisch un Bloot
un Google es für Dich de jröste Hit.
Ich treff jän Lückcher, nette, Du deihs öm de Welt röm chatte,
Für eh lecker Kölsch häs Du nie Zick.

Refr.
Kannste och noch Spaß verdrare?
Kannste och noch Blootwooch sare?
Kannste och noch unverfälsch,
Ding Muttersproch, äch Kölsch?

3.
Du häs en Flatrade un Sky oje, Ich de Südkurv un de FC
Fastelovend jeihs Du nit mieh für de Dür.
Ich lauv em Park, Du bei Mc Fit, Ding Uhr zählt jeden Schritt.
Für Fitness es Dir nix zoh düer.

Du häs eh Motherboard, ich ming Mam, bes immer Stylich, ich jot an,
Du möchs fly sin un ich nur jot drop.
Drings Hopfensmoothie, ich Kölsch, Ding Sproch es nur noch Jemölsch.
Häs Du Ding Muttersproch dann noch em Kopp.

Kannste och noch Spaß verdrare?
Kannste och noch Blootwooch sare?
Kannste och noch unverfälsch,
Ding Muttersproch, äch Kölsch?

September 2018 – B.Kox

Freitag, 29 03 2024

Wir nutzen Cookies auf unserer Website. Einige von ihnen sind essenziell für den Betrieb der Seite, während andere uns helfen, diese Website und die Nutzererfahrung zu verbessern (Tracking Cookies). Sie können selbst entscheiden, ob Sie die Cookies zulassen möchten. Bitte beachten Sie, dass bei einer Ablehnung womöglich nicht mehr alle Funktionalitäten der Seite zur Verfügung stehen.