Lev Gebühreneinzuchszentrale,
ich hätt doh ens en bescheidene Frare.
Ihr hatt doch secher och fröhziggich metjekräje
dat alle Jecke am 11.11.2020 zoh Huss wohl wäre.
Suh soßen mer am Ovend für der Kess
un wat jov et doh, nur Dress.

De Fernsehmacher sin doch all bestuß,
am 11.11. woren alle Jecke brav zohuss,
keen Bessche Fastelovend en d´r Flimmerkess,
evver dofür B-Mannschafts Fussballdress.

Lev Jecke et es flöck verzällt,
für Fussball han die immer Jeld.
Es dat Spell och janit doll,
bei Fußball spellt de Einschaltquote keen Roll!
Et Hännesche Theater weiht deshalb eruss jekick,
jitt et doh ene besondere Trick?

Bläck Fööss, Höhner udder ´ne ahle Millowitsch,
wör für die kölsche Siehl besser, als der Fusssballkitch.
Nohm Kreech hätt de Adenauer für dä Millowitsch jesaht
„spell jet löstijes“ un hä hätt de Minsche eh Lächel zohröck jebraht.
Jetz han mer Corona evver ihr künnt dat nit! Schad!

November 2020 – B.Kox