Stern inaktivStern inaktivStern inaktivStern inaktivStern inaktiv
 

Melodie: Peer Gynt Suite Nr.1 Op.46 Morning Mood 

Om Fünf, fröh am Morje,
dä Kopp voller Surge
suh lies du em Bett
un du bes janz verdräump.

De Sunn spings eren
un eh Vülche janz fing
beginnt mem Konzert,
dat et joh nix versäump.

Jetz singen noch mieh,
de Sunn jeiht en de Hüh
Du luchs und Du lurs
joh Du bes janz verzückt.

Ein Vülche fing an
un dann helt et sich dran
un immer mieh joh die
singen jetz plötzlich all met.

Klingk wie Musik
Wie eh janz natürlich Konzert wick un brick.
Piepmatz, Piepmatz, Piepmatz, Piepmatz.

Nä es dat herrlich
niemols mieh entberlich.
Et klingk wunderbar un d´r Daach fäng jot an.

Nä es dat herrlich,
jetz sit doch ens ehrlich
doh kütt kein Orchester un kein Philharmonic
jemols wirklich dran, wirklich dran.

B.Kox – Juni 2016

Freitag, 29 03 2024

Wir nutzen Cookies auf unserer Website. Einige von ihnen sind essenziell für den Betrieb der Seite, während andere uns helfen, diese Website und die Nutzererfahrung zu verbessern (Tracking Cookies). Sie können selbst entscheiden, ob Sie die Cookies zulassen möchten. Bitte beachten Sie, dass bei einer Ablehnung womöglich nicht mehr alle Funktionalitäten der Seite zur Verfügung stehen.