Melodie: Kutt erop, kut erop, kut erop... Willy Ostermann
Wat es dat? Wat es loß?
Ob de Wies un de Stross
alles wieß he wick un brick,
jetz kütt die Winterzick,
de Jacke wäden deck.
Üvver Naach janz leis
kom hä anjereis
all Pänz die flippen uss
un paar Minute später kommen se och all eruss.
Em drette Stock em Finster steiht Frau Palm, die wink un schreit:
Kutt eruss! Kutt eruss! Kutt eruss!
Nee, wat süht dat herrlich uss.
Keen Kind wat sich nit freud
et hätt dies Naach jeschneit.
Kutt eruss! Kutt eruss! Kutt eruss!
Nee, wat süht dat herrlich uss.
Keen Kind wat sich nit freud
et hätt dies Naach jeschneit.
Alles läuf un rennt, jeder schreit
Et schneit! Et fällt ald immer mie.
Vör Neugier wie noch nie, loht alles en de Hüh.
Jetz en Schneeballschlach
dat et Hätz dir lach, all Pänz han met jemaaht.
Als hätten se et janze Johr, ob he dä Daach jewaht.
Un zweschendurch en einer Tour do höht mer schreie nur!
Kutt eruss! Kutt eruss! Kutt eruss!
Nee, wat süht dat herrlich uss.
Keen Kind wat sich nit freud
et hätt dies Naach jeschneit.
Kutt eruss! Kutt eruss! Kutt eruss!
Nee, wat süht dat herrlich uss.
Keen Kind wat sich nit freud
et hätt dies Naach jeschneit.
Mer sich denke kunnt, en ner Veedel Stund
de etzte Schneemann stund,
prächtig, deck un rund,
en Mühr en singem Schlunt.
Ene Hot om Kopp,
stunt im wirklich jot,
de Pänz han sich jefreut,
die hatte ihrem Ühm ´ne Zylinder uss dem Schrank jekläut.
Un immer hoht mer dat Geschrei, obwohl et längs vorbei
Kutt eruss! Kutt eruss! Kutt eruss!
Nee, wat süht dat herrlich uss.
Keen Kind wat sich nit freud
et hätt dies Naach jeschneit.
Kutt eruss! Kutt eruss! Kutt eruss!
Nee, wat süht dat herrlich uss.
Keen Kind wat sich nit freud
et hätt dies Naach jeschneit.
November 2015 - B.Kox