Lechter blinke un funkele

süht herrlich uss em Dunkele.

Leich lock de Lück en dä düsteren Zick

dat wor früher suh un suh es et Hück.

De Düfte machen verröck de Nas

Anis, Kuschteie un Früchte em Glas.

Glasierte Äppel un Dominostein sin doh,

gebrannte Mandele un Früchtebrut, na klor.

Lebkoche, Printe un och Currywooch,

Du kress nit nur Hunger, Du kress och noch Doosch.

Doh dringste ´ne Glühwein udder ´ne leckeren Punch

erfüllst Dir doh suh manchen Wunsch.

Käufs Geschenke für Ding Levste en, lurs ob all die Sache

kläus Dir Idee öm et Doheim selver zoh maache.

Weihnachtsleeder alle Versione hürs Du an jeder Eck,

manche höch, manche zoh laut, evven für jeden Jeck.

Et Handwerk zeich sich doh noch öns, söns däht mer et verjesse,

et weiht jeklöppelt, jeschnitz un jeschmiedet, mancher zeig Interesse.

Ob d´r Bühn doh sing suh mache Chor, et spellt en Bloskapell

vell Minsche blieven ston, mache jon obfällig schnell.

De Stimmung fäng Dich en, brenk Dich en d´r Advent

traurig wä noch nie doh wor un dat Jeföhl nitt kennt.

November 2015 – B.Kox