Lur doch ens wirklich janzjenau hin,
wann häs Du se zohletz jesin?

Bei mir es et secher ald fufzich Johr her
dat ich se soch an enem Finster.

Iisbloome kummen nur en d´r Naach
se sin vell zu schön vür de hellichten Daach.

Se blöhten ob d´r dünne Finsterschieve
und däten nur en kote Zick blieve.

Mer wos nieh wann se kumme un nieh wann se jon
doch woren se doh blev mer staunend ston.

Hück sin de Finster thermisch getrennt,
domet mer em molligwärme Zemmer pennt.

Fröher noms de en Wärmfläsch met,
jings Du em Winter en et Bett.

Mer loch un lurten de Iisbloome an,
´ne janze Struß wullt jeder han.

Han lang jesöck, doch finge se nit mieh
jitt et kein Iisbloome mieh?

November 2015 – B.Kox