Op einmol es se widder doh,
die Traurigkeit vum janze Johr
die janze Freud, et janze Jjöck,
spellt dann Hück ming Siel verröck
Heilichste Naach, dat singe se höch,
mer läuv eh Tränche üvver et Jesech.
Ne, dat hätt ich niemols jedach,
ich han dich suh jän, Du hellije Naach.
Finsternis weiche, sing ich eh suh jän,
jede Kääz leuch jetz suhwie ene Stän.
Am Hellig Ovend, bei uns en d´r Mess
doh fieren ich ming Weihnachtsfest.
Ich denk an Üch, Ihr sitt nit mieh doh,
wie schön et doch fröher, met Üch wor.
Adventskranz om Desch, mer han jesunge.
Vun Tannebaum, nitt jede Ton wor jelunge.
Ich denk an die, die noh Üch jekomme sin.
All die Pänz jevven dem Levve widder ´ne Sin.
Ne, dat hätt ich niemols jedach,
ich han dich suh jän, Du hellije Naach.
Finsternis weiche, sing ich eh suh jän,
jede Kääz leuch jetz suhwie ene Stän.
Am Hellig Ovend, bei uns en d´r Mess
doh fieren ich ming Weihnachtsfest.
Hür ich dann Stelle Naach uss voller Brust,
nitt selde, dat ich dann kriesche muss.
Dann steiht de Welt eh par Minütche still,
weil jeder ens einfach sing Rauh han will.
Freud un Leid vun der janze Welt
dat Christkind in singer Hängcher all hält.
Ne, dat hätt ich niemols jedach,
ich han dich suh jän, Du hellije Naach.
Finsternis weiche, sing ich eh suh jän,
jede Kääz leuch jetz suhwie ene Stän.
Am Hellig Ovend, bei uns en d´r Mess
doh fieren ich ming Weihnachtsfest.
November 2014 - B.Kox