Melodie: Rudolph, the red nosed Reindeer

He en ming ahle Stammkneip,
jon ich Hellig Ovend hin.
He en minger ahlen Stammkneip,
kann et suh jemütlich sin.

De Franz met singer decken Schnapsnas
sitz ald vörren an der Thek.
Un et Elli vun der Sparkass
sing janz leis eh Weihnachtsleed.

Hellig Ovend en d´r Stammkneip,
kommen Jäste stets allein.
Hellig Ovend en d´r Stammkneip
weiht et trotzdem immer schön.

De Heinz määht flöck de Baum an
un drink dann singe etzte Schnaps.
Doch vür Äpelschlot met Wöschje
hätt hä och donoh noch Platz.

En de Stammkneip es et dunkel,
nur he un doh brennt jetz en Käätz.
Et es esuh jemötlich
un dir weiht jlich wärm et Hätz.

Bei dem drette Leedcher
joh doh sing ald jeder met.
Drusse es et höch am friere
un keener will jetz he weck.

He en ming ahle Stammkneip,
jon ich Hellig Ovend hin.
He en minger ahlen Stammkneip,
kann et suh jemütlich sin.

Dezember 2005 - B.Kox