Bewertung: 5 / 5

Stern aktivStern aktivStern aktivStern aktivStern aktiv
 

 

Viva Colonia will ich et nenen
et weiht esu heiß, minge Iglu weiht brenne
muss mich beihle, dat et bal steiht,
weil Morje et Trömmelche widder jeiht.

Gon och jet fröher en et Bett,
denn Morje drink ich ene met
om elf Uhr elf es et suh wick,
dat weiht en superjeile Zick.

Eh lecker Kölsch es wirklich edel
natürlich nur en unserem Veedel
he jing ich johrelang zur Schull
en d´r Kayass Nummer null.

He kannt ich Dom un Dömcher
schenkten der Ahl eh paar Blömcher.
Maht ene Besuch em Zoo
un hürten dem Ostermanns Will jähn zoh.

Ben ene kölsche Jung, nur eins em Sinn
en Kölle einmol Prinz zoh sin
och wat wor dat Fröher schön
üvverall nur kölsche Tön.

Ez kütt et rut,rut, rut dann bliev mer ston
ich möch zoh Foss noh Kölle jon.
Han ohne drei Söck met dene Bläck Fööss jesunge
un manches kölsche Hätz jewunne.

Beim Polterovend en d´r Elsaßstross wor ich dohbei
un suh manche Pirate wild un frei
de Kapitän vum Müllemer Bötche wor och dohbei
un rev“ob ühre Stammbaum dreimol Ahoi“.

Verdammp lang her, saht et Schmitze Billa
dat et Rievkooche jov en minger Villa
ich bruche eh paar Grosche vür Is
met d´r Strossebahn noh Huss, et Wedder es fies.

Hück fährt die Achtzehn bis noh Istambul
fahre nur bis Düx, doh es et cool
vum Zauber ben ich platt
oh lala en Pizza mäht schön satt.

Kamelle uss Kölle wunderbar
es ist ja auch noch Suppe da
die Wienands han ene Has em Pott
´ne halve Hahn schmeck och ech got.

Du bes Kölle, ejal wor Du her bes
Lück wie ich un Du machen keene Dress
denn ich ben nur ´ne kölsche Jung
un mieh Hätz, dat litt mer op de Zung.

Als kleene Jung hat ich mich öns verlaufe
ich jläuv, ich wullt mer nur eh Rahmkamellche kaufe
ich möch och möchlichs em Levve nix versäume
ich benn manchmol de Prinz vun Kranebäume.

Rut, rut, rut sin de Ruse en Kölle am Rhing
suh lang mer noch am leve sin
unser Bier, dat heiß Kölsch un nit Alt
em Winter doh schneit et, em Winter es et kalt.

De Rhing erov un de Rhing erav
un dreimol vun Hätze Kölle Alaaf
janz Kölle dräump vum Fasteleer
ben ene stolze Römer kom mem Cäsar her.

Ich ben Griesche, Türke, Jude, Moslem un Budhist
mir all mir sin nur Minsche, vürm Herrgott sin mir jlich.
Steige op dat Matterhorn
mal von Hinten mal von Vorn.

Jede Stein en Kölle es eh Stöck vun mir
hüre jähn ene kölsche Explezier
bei mir kütt die Mösch

en d´r Köch.

Han en d´r Kaffeebud römlamentiert
un mir ´ne Rose auf den Hintern tätowiert
ich singe ob kölsch met dem Jeckel
un ich han ene Deckel.

En d´r Weetschaff op de Eck
doh sin de Lück wie ich un Du esuh nett
och die ahl Frau Immerjrön
evver em Mai, doh weiht et widder schön.

Die Karawane zieht weiter en dem Jewöhl
he Kölle Du bes eh Jeföhl
Blotwoosch, Kölsch un eh lecker Mädche
Kölle es eh herrlich Städtche.

Heidewitzka Herr Kapitän
de Hüsjer bunt om Aldermaat sin schön
echte Fründe machen Moht
de Haupsach es et Hätz es jot.

Mer lossen d´r Dom en Kölle
un machen wat mer welle
poppe, kaate, danze, alles fein
man müsste noch mal zwanzig sein.

He deith et wieh un doh deith et wieh
Annemie ich kann nit mieh.
Wä Zimmermän dat Ei nit kennt
weiß nit woröm dä Nubbel brennt.

Ich mache mich nitr verröck
fahre hin unzohröck üvver de Severinsbröck.
Rove kut erop, kut erop, kut erop
un et Wasser vun Kölle es got.

Et jit keen Woot wat ich sare künnt, wenn ich an Kölle denk
han suh manche Flasch 4711 verschenk.
Ich han de Musik bestellt
un ald vell Blödsin verzellt.

Ich ben de Stroß erav jejange
Kölsch drink mer uss Stange.
Sach öns Blootwooch, dat es doch janit schwer
hab drei Haare auf der Brust, ich bin ein Bär.

Ming Schloß hängk he an d´r Bröck
Du bes ming Hätz, Du bes ming Glöck.
De schönste Stadt am Vatter Rhing
wenn ich d´r Dom vun Wiggem sin.

Ene kölsche Fetz jeiht ob et Ganze
wenn am Himmel de Stääne danze.
Dann krett et Marieche manches Bützge
es joh suh eh lecker Nützje.

Am Bieckendorferbüdche
medden ob et Schnütche
dat mäht Spass un mäht Dich an
ob de Hohn bes udder Hahn.

Halleluja, dat es Geil
ich nem d´r Dom met weil
Heimweh noh Kölle han ich schun em Bett
mi Kölle dräht en Peelekett.

Rut un wieß, suh sin mer he
ston ob Haie un FC
ston ob dem Maat un an d´r Thek
wä got schwad krett en Raket.

Ming ezte Fründin et Maiers Käth
och et Kathrin wor wirklich nett.
Kölsche Mädcher künne bütze
dat kann ich nur ungerstütze.


Minsche wie mir, die sin esuh frei,
am Äschermettwoch es Alles vorbei.

November 2015 – B:Kox

 

Freitag, 29 03 2024

Wir nutzen Cookies auf unserer Website. Einige von ihnen sind essenziell für den Betrieb der Seite, während andere uns helfen, diese Website und die Nutzererfahrung zu verbessern (Tracking Cookies). Sie können selbst entscheiden, ob Sie die Cookies zulassen möchten. Bitte beachten Sie, dass bei einer Ablehnung womöglich nicht mehr alle Funktionalitäten der Seite zur Verfügung stehen.