Ich ben Dinge Stän, ich pass ob Dich op
öm dat jot zoh mache, ston ich extra fröh op.

Ich leuchte Dir hell un ben immer klor
dun Dich jot beschütze, dofür ben ich doh.

En dunkele Zigge mach ich et Dir hell
un wenn Du mich bruchs, dann kum ich janz schnell.

Ben Ding Navi, breng Dich secher noh Huss
ben immer doh, wenn Du mich bruchs.

Wie dä Stään dene Köninge vür 2000 Johr
zeich ich Dir de Wäch dat es doch wohl klor.

Sök mich am Himmel, dat mäht wirklich Spass
ich ben dä Hellste, direk vür Dinger Nas.

Un schink et Sönnche un et es janz hell,
ben ich trotzdem doh un immer zur Stell.

Ich wäde Dich niemols ene Penning koste
doch ben immer doh, kanns Dich drop verlosse.

Dezember 2015 – B.Kox