Wie lang sull et noch dure, ich hald et kaum noch uss,

de ezte Krokusse stecken ald de Kopp erus,

als wullten ´se ens lure, wie dann et Wedder es,

lang kann et nitt mieh dure, dann süht mer och de Rest.

De ezte Sunnenstrohle, die kitzele ding Nas,

endlich weiht et widder wärmer, ach wat mäht dat Spass.

De Färve kummen widder un machen bunt de Jade,

ich ben janz ehrlich, ich kann et kaum erwade.

De Vülche zwischere widder, schun janz fröh am Daach,

dat vermess mer wie schön Musik, wer hätt dat jedach.

Se sin am jubiliere un singe stolz ihr Leed,

et es widder länger hell, dat es doch nit verkeet.

Hä kütt mem jrusse Pinsel un molt de Welt bunt an

vorbei jetz all dat Grau, wat mer erdrare han.

Drussen weiht et wärmer un en dir dren eh Stöck.

Och wat deith dat jot, dä Fröhling es zohröck.

Et Sönnche laach dich an un du lachs fruh zohröck

Mer weiht widder aktiver un es och mieh op Jöck.

Februar 2012 – B.Kox