Hallo RW
jet steihs Du he
ob minger Homepage wot joh och Zick
ich ston ald suh lang ob Dinger Sick.

Ich will eh paar Anekdöcher verzelle
Neue un och ahle Kamelle,
denn eins han mer Zwei ald immer em Blick
dat es uns fünfte Johreszick.

Mensch wat woren dat für Sache,
mer däten bei der Probe schun laache
Du nohms alles „musikalisch genau“ eh suh sehr
ich iher nit, dat maaht alles jet schwer.

Dat Trautche, dat rötschte jet nöher zoh mer,
Du maahts de Remmel ob de Dür.
Du am Klavier un an d´r Quetsch eh sujar
wick wor dä Wääch noh Kevelaer.

De Frau vum Jupp Schmitz, die hat uns jeschrevve
ach wör dä Jupp doch nur noch am levve.
Ihr singt all sing Leedcher met all dä Jung Lück
dat hätt minge Jupp em Himmel verzück.

Dat Stanzi em Bikini, dat dat dat trare kann
suh fing et domols met uns an.
Die Nummer, die wor wirklich ´ne Knall
ob unserem Rusemondachsball.

Met schwatze Papphöt un rudem Hemp
un Wattelöckcher, domet alles stemmp.
schwatze Söck woren uns Stiffele noch
De rude Funke em Saal un em Bröhler Zoch.

Jung dat häs Du jot jemaaht
han mer für dä Paul Kühl jesaaht.
Ich han immer de selve Fehler jesunge,
de Aula hät jetob, Nummer jelunge.

Für dä Wofgang Fatzaun maahten mer de Elton John,
hä maaht sich us Kierberg ob un dovun.
„Goodby Kierberg Rus“, met ner Kätz en d´r Hand
De Saal wor usser Rand un Band.

Och Sambasurium wor anjesaht,
doh häs Du mir de Flötetön beijebraaht.
Ich durf eh echtes Kommando jevve
doh fing die Grupp dann an zoh levve.

Met Alex, Günther un Pitter dohbei
han mer versöck zoh singe, mer woren suh frei
als Carpendail, Brings udder Nicole
vum leckere Kölsch krächten mer de Hals nit voll.

Met Fünf Mann han mer uns Vier Botze jenannt
woren als Krätzchessänger stadtbekannt.
Met Kringelcher un Punkte ob wießem Papier
krächtem mer par hinger de Löffel vun Dir.

Hallo RW
jet steihs Du he
ob minger Homepage wot joh och Zick
ich ston ald suh lang ob Dinger Sick.

Februar 2017 – B.Kox