Ich jläuv ich ben krank,
han nitt alle Tasse mieh em Schrank.
Mer meint et kaum
han nit alle Latte mieh em Zaun.
Ich ben ´ne besonders schwere Fall
ich mein ich han se nitt mieh all.
Wat mich an mir stürt,
ich han dä Knall noch nit jehürt.

De Lück, die han doch räch,
ich ben total om falsche Wäch.
Ming Früngde meinen alle
Ich wör uss de Reih jefalle.
De Minsch, dä weiht beklopp jebore,
ich wäd et blieve, dat han ich mer jeschwore.
Ich ben nit kindich weil ich immer laache
möch nur alles jet fründlicher maache.
Dä es verröck dun de Minsche sare
weil ich laut singe beim Autofahre.
Un wenn et en mingem Levve tüchtig krach
Humor es wenn mer trotzdem laach.
Ich jläuv an de Liebe un et Jlöck
lure noh vörre un nit jähn zohröck.
Lur mich doch ens richtig an,
ich han immer en Pappnas an.
Möch üch eh Laache en et Jeseech eren schenke,
doht ihr später ens an mich denke.

B.Kox – April 2018