Hätt hä en Pappnas an, dann sühste et nit,

us welchem Land dä Panz wohl kütt?

Italien, Griechenland udder Türkei,

als Clown doh es dat einerlei.

OP schwaz, op wieß, dat es doch ejal,

jähn laache deit mer üvverall.

Süht mer wie jot die Pänz sich verston,

muß mer als Erwachsene en sich jon.

"Wie jähn ich Gyros un Pizza esse,

Sirtaki danze nitt zoh verjesse,

en Urlaub fahre, jrad en die Länder,

kütt dä Sommer em Kalender.

Wat sin die Lück doh nett zoh mer.

Kann ich dat sare och vun mer?"

Dröm denk doh dran em Fastelovend,

vielleich och hück, an dissem Ovend.

Triffs de 'ne Ussländer, dann sei zoh em nett,

un sach:"Kumm, drink doch ene met."

Dann weit dä Ovend noch vell schöner,

ihr singt zosamme, dat Leed vun dä Höhner.

"Echte Fründe..." en alle Sproche der Welt.

Dat wör jet, wat mer jefällt    


                                         

 Mai 1995 - B.Kox