Uns Oma es für uns et jröste Jlöck.

En uns Familich es Sie et beste Stöck.

Se es stets aktiv un jeden Daach op Jöck.

Trotzdem hätt se Zick, zum Stoppe unserer Söck.

De Oma, die kann alles, doh beste wirklich platt,

Niehe,büjele, Flecke wegmache un fährt och noch mem Rad.

Se back vell besser Koche, als jede Bäckerei,

Spekulatius en de Holzbrettform, ich wör ens jän dohbei.

De leckerste Surbrode, ich jevven üch ming Wot

un usserdem de aller allerbeste Äpelschlot.

Se hätt en eijene Wonnung un hällt die jot en Schuss,

wenn se ens wick fott muss, dann nimp se halt de Bus.

Uns Oma weiß suvill vun Fröher noch,

un am Köchendesch, verzällt se et dann och.

He setzen mer met de Oma jän, weil et he jot rüch,

Fussball mem Urenkel spellt se am levste en d´r Köch.

Un uns Mam, die es de Oma nit kott, dat mäht ihr keene Stress,

weil se dat kennt un joh schun selver Oma es.

Un och sie määht de aller allerbeste Äpelschlot der Welt,

dat han mir ihr Enkelche verzällt.

Mai 2015 – B.Kox