Bernds kölsche Cover

Rhingsteinmöler

Stern inaktivStern inaktivStern inaktivStern inaktivStern inaktiv

Melodie: Rhinestone Cowboy Glen Campbell

Wenn ich am Rhing spaziere jon,
blieven ich öfter ens ston.
Doh laach mich jet buntes an un dat mäht mich jrad jlöcklich.
Hef et ob un belur en jenau,
Eh Scheff jemolt ob ´ne Stein, et Müllemerböötche.
Mensch wat künne die jot mole,
alle Aure sin am strohle.
Jede Stein bunt bemolt, versteck für Dich un mich.

All ihr Rhingstein Möler,
ihr sit wahre Künstler un ihr maaht die Welt schön bunt.
All ihr Rhingstein Möler,
Bilder ob Stein vun Minche die mer nit kennt un doch kenne liert.
Wo hat ihr suh schön mole jeliert.

Ich mach eh Foto, lech se woanders hin.
Die Bilder jon nit mieh uss dem Sinn.
Em Netz fings Du Verzällcher un Bilder vun and´re Stein.
Ich staune, wä doh all met mäht.
Jung un ald, Mann un Frau un suh ja och schun kleen Pänz.
Mensch wat künne die jot mohle,
alle Aure sin am strohle.
Jede Stein bunt bemolt, versteck für Dich un für mich.

All ihr Rhingstein Möler,
ihr sit wahre Künstler un ihr maaht die Welt suh schön bunt.
Ihr Rhingstein Möler,
Bilder ob Stein vun Minche die mer nit kennt un doch kenne liert.
Wo hat ihr suh schön mole jeliert.

All ihr Rhingstein Möler,
ihr sit wahre Künstler un ihr maaht die Welt suh schön bunt.
Ihr Rhingstein Möler,
Bilder ob Stein vun Minche die mer nit kennt un doch kenne liert.
Wo hat ihr suh schön mole jeliert.

Februar 2022 – B.Kox

Die Zick met dä Clique

Stern inaktivStern inaktivStern inaktivStern inaktivStern inaktiv


Melodie: Seasons in The Sun


Mer hatten dohmols met de Clique
en superjeile Zick.
Jede Naach nur ob Jöck,
die Zick kütt nieh zohröck. 

An jedem Friedaach jing et loss
Noh Kölle, en d´r Allstadt, ejal wat et koss.
Kölsche Mädcher sin jot uss
em Ärm jeläje un jebütz,
wor Samsdaachs widder Schluss.

Mer woren jung un woren frei
un en Tüt wor och machmol met dohbei.
Jode Musik, Kölsch vum Fass
joh die Zick wor wirklich krass,
`ne wat hatte mer ´ne Spass. 

Mer hatten dohmols met de Clique
en superjeile Zick.
Jede Naach nur ob Jöck,
die Zick kütt nieh zohröck.

Mer han de Naach zom Daach jemaht
Die Scholl un Lier met Ach un Krach zoh Enkg jebraht.
De Mädcher mahten uns verröck
für mich wor et de schönste Zick
un ich denk ov dran zohröck.

Mer woren die Halvstarken em Revier,
evver die Andern immer stärker als mir.
Doh wor et jot wenn Du renne kuns,
mer han uns en de Botz jemaht
un später üvver uns jelaach.

Mer hatten dohmols met de Clique
en superjeile Zick
Jede Naach nur ob Jöck,
die Zick kütt nieh zohröck.

Mer hatten dohmols met de Jungs,
dat janze Levve noch vür uns
üvver Blödsinn jelaach un kein Surje jemaaht.

Un woren mir dann unger uns,
hürten mir Elvis, Beatles, un die Stones.
Un für fünf Mark zum FC
wullten mir Heinz Flohe sin,
denn dat wor dä wahre King.

Dat wor uns jode ahle Zick.
Jläuv et mir, die kütt nittmieh zohröck.
Die Sanduhr läuv, bis et nimieh jeiht
un Du für´m Himmelpötzche steihs
un dann zum Petrus sähs.

Mer hatten dohmols met de Clique
en superjeile Zick
Jede Naach nur ob Jöck,
die Zick kütt nieh zohröck.

Mer hatten dohmols met de Jungs,
dat janze Levve noch vür uns
üvver Blödsinn jelaach un kein Surje jemaaht.

Juni 2016 – B.Kox u. Ralf Kett

Un alles für Dich dun

Stern inaktivStern inaktivStern inaktivStern inaktivStern inaktiv

Melodie: Everything I do Bryan Adams

Lur mich noch ens an,
völlig wehrlos, han ich nix zoh verliere.
Sök en Dingem Hätz, en Dinger Siel,
wenn Du mich fings bliev ich bei Dir.

Sach mer nit, et wör die Möh nit wert.
Sach mir nit, dat alles wör verkiert.
Dröm hür mir zoh, ich wäd immer zoh Dir ston
un alles für Dich dun.

Hür ens en Dich ren, kannst Du erkenne,
Dir jeiht et suh wie mir.
Nemm mich wie ich ben un ming Levve,
all wat ich hann, jläuv et mir all dat jöv ich Dir.

Verzäll nit, dat all es Dir nix wert.
Ich wäd alles dun, domet Du dat kappiers.
Dröm hür mir zoh, ich wäd immer zoh Dir ston
un alles für Dich dun.

Ding Jeföhl für mich, dat föhl ich,
jit et nur einmol, dat schwör ich.
Doh wo Du nit bes, doh weis Du vermess,
für die Iwichkeit, et janze Levve lang.

Sach mer nit, et wör die Möh nit wert.
Du bes die Einzige, met der ich jlöcklich werd.
Joh ich ben doh für Dich un ich jläuv an Dich,
kütt Jefahr für Dich, dann sterv ich für Dich.

Dröm hür jot zoh, ich wäd immer zoh Dir stonn,
ich wäd alles für Dich dun.

August 2011 – B.Kox und Ralf Kett

Prinz em Dreijestirn

Stern inaktivStern inaktivStern inaktivStern inaktivStern inaktiv

Melodie: Rio Reiser, König von Deutschland

Jede Nach jäjen eins, wenn dat Fernseh'n rusch,
Leg ich mich ens Bett un mol mir uss
Wie et wohl wör, wenn ich nit der doh wör, der ich ben
Sondern Karnevalsprinz em kölner Dreijestirn.

Ich denk mir, wat dä Prinz doh kann, dat kann ich och.
Ich wöt die Bläck Fööss hüre Dach en Daach uss.
Ich köm vell röm, wöt noh Düsseldorf reise,
Helau avvschaffe un ov Kölsch verweise.

Dat alles, dat däht ich jähn,
wöt ich en Kölle, ens dä Prinz em Dreigestirn.
Oh, Dat alles, dat däht ich jähn,
wöt ich en Kölle, ens dä Prinz em Dreigestirn.

Dä Fastelovend wöt ich üvver et janze Johr strecke
de Rusemondachszoch wöht dann durch janz Deutschland trecke.
De Bur un de Jungfrau tröken en ming WG en
och de Höhner möhten nit mieh en d´r Höhnerstall eren.

Donnerstags immer Wieverfastelovend,
en Sitzung he en Kölle, an jedem Ovend.
Friedaachs jöv et dann immer Freibier en jeder Kneipe
Ich wör' Hennes der Erste, Poldi dä Zweite

Dat alles, dat däht ich jähn,
wöt ich en Kölle, ens dä Prinz em Dreigestirn.
Oh, Dat alles, dat däht ich jähn,
wöt ich en Kölle, ens dä Prinz em Dreigestirn.


Et jöv Kamelle, Bützjer, Strüßjer an jeder Eck
un natürlich ´ne Orden für jede Jeck.
Dä FC Kölle wöht jedes Johr Meister sin,
un en et Stadion küste nur met Papnas ren.
Em Hännesche kräht jeder en Woosch,
un en d´r Paus eh Pittermännche jäjen de Doosch.
Ming herrlich Kölle leht ich striche en rud un wieß
domet mer dann unser Hätz dä Welt schun uss dem Weltall süht.

Dat alles, dat däht ich jähn,
wöt ich en Kölle, ens dä Prinz em Dreigestirn.
Oh, Dat alles, dat däht ich jähn,
wöt ich en Kölle, ens dä Prinz em Dreigestirn.

Oh dat alles, dat däht ich jähn,
wöt ich en Kölle, ens dä Prinz em Dreigestirn.

Oktober 2021 – B.Kox

Hey leven Köbes

Stern inaktivStern inaktivStern inaktivStern inaktivStern inaktiv

Melodie:Hey Pipi Langstrumpf

Köbes brenk uns krass
Widdewiddewitt drei Kölsch vum Fass.
Mer han ald lang bestellt,
Widdewiddewitt kress och Drinkjeld.

Hey – leven Köbes trallari trallahey tralla hoppsasa
Hey – leven Köbes , mer all han Kölsch bestellt.
Hey – leven Köbes trallari trallahey tralla hoppsasa
Hey – leven Köbes , mer all hatten Kölsch bestellt.

Ich ben nit fies für Röggelche met Kies, für Himmel un och Ääd
un Surbrode he vum Pääääd
Ich drink jän Kölsch am levste frisch vum Fass
dat määht mer richtig Spass dröm Köbes jev jetz richtig Jaaaaaas.

Köbes brenk uns krass Widdewiddewitt drei Kölsch vum Fass.
Mer han ald lang bestellt, Widdewiddewitt kress och Drinkjeld.
Hey – leven Köbes trallari trallahey tralla hoppsasa
Hey – leven Köbes , mer all han Kölsch bestellt.

Mach mingen Deckel voll Köbes sei doch nit suh doll,
denn Kölsch es doch jesund doröm jev ich jetz en Rund.
Ich mach keen Alt un och keen Hämmche kalt
Schun ja keen Wasser still
Ich weiß schun Köbes wat ich will.

Ich will vum Fass
eh frisches köhles Nass
dat alles en d´r Stang,
Ich froch mich wann küss Du he an?

Köbes brenk uns krass Widdewiddewitt drei Kölsch vum Fass.
Mer han ald lang bestellt, Widdewiddewitt kress och Drinkjeld.

Hey – leven Köbes trallari trallahey tralla hoppsasa
Hey – leven Köbes , mer hatten Kölsch bestellt.

Köbes mer sin öm, kom jetz flöck mem Deckel röm.
Mer machen he jetz Schluß un Du kanns endlich noh huss.

August 2015 – B.Kox

Annemie`s Mutter

Stern inaktivStern inaktivStern inaktivStern inaktivStern inaktiv

Melodie: Silvias Mother, Dr.Hook and the Medicine Show

Annemie`s Mutter

Annemie`s Mutter säht, dat Annemieh, dat hätt keen Zick.
Et hätt jet Stress, kann nit an ihr Handy jon.

Annemie`s Mutter säht, dat Annemieh et versök,
eh janz neu Levve zoh beginne.

Annemie`s Mutter säht, dat ´se jetz jlöcklich es,
also woröm lossen Se et Annemie nit en Rauh?

Un se läd einfach op, ich hüre nix mieh, ming Hätz brich, et deiht suh wie.
Leven, Frau Kolvenbach, ich halt se och nit lange op,
Holen se et Annemieh doch bitte ans Telefon.
Leven , Frau Kölvenbach, ich halde mich bestemp och kot,
Ich wünsch ihr Glöck un dat wor et schun.

Annemieh`s Mutter säht, dat Annemieh am Packe es,
se es om Sprung un voll em Stress.

Annemie`s Mutter säht, dat ´se bal `ne Ring anhätt.
Se hierot he `ne junge Type, uss Bröhl.

Annemie`s Mutter säht: et weiht mir nit jelinge,
Se vun dä Huhzick avzohbrenge.

Un se läd einfach op, ich hüre nix mieh, ming Hätz brich, et deiht suh wie.
Leven, Frau Kolvenbach, ich halt se och nit lange op,
Holen se et Annemieh doch bitte ans Telefon.
Leven , Frau Kölvenbach, ich halde mich bestemp och kot,
Ich wünsch ihr Glöck un dat wor et schun.

Un se läd einfach op, ich hüre nix mieh, ming Hätz brich, et deiht suh wie.
Leven, Frau Kolvenbach, ich halt se och nit lange op,
Holen se et Annemieh doch bitte ans Telefon.
Leven , Frau Kölvenbach, ich halde mich bestemp och kot,
Ich wünsch ihr Glöck un dat wor et schun.


Juli 2018 B.Kox

Ming lev Marie

Stern inaktivStern inaktivStern inaktivStern inaktivStern inaktiv

Melodie: Sweet Carolin, Neil Diamond

Wo fing et an? Ich weiß et nit mieh,
doch ich föhl,
dat met uns weiht secher jot!

Et wor em Fröhjohr
un plötzlich wor der Sommer doh.
Wiesuh han ich Dich nie jesin?

Uns Hätz un Siel, wullen mieh,
dat es jet wie, Verlangen noh mir, Verlangen noh Dir.

Ming lev Marie,
Du bes minge Sunnesching.
Ming lev Marie,
Levve krett durch Dich etz Sinn.
Suh es et.

Un in der Naach,
wenn mer zohsamme lieje,
föhl ich Du bes für mich doh.

Jeiht et mir schlech,
un ming Hätz föhlt sich suh schwer,
bes Du minge Sunnesching üvver`m Meer.

Uns Hätz un Siel, wullen mieh,
dat es jet wie, Verlangen noh mir, Verlangen noh Dir.

Ming lev Marie,
Du bes minge Sunnesching.
Ming lev Marie,
Levve krett durch Dich etz Sinn.
Suh es et.

Ming lev Marie,
Du bes minge Sunnesching.
Ming lev Marie,
Levve krett durch Dich etz Sinn.
Suh es et.

Oktober 1999 – B.Kox

Naach der Stille

Stern inaktivStern inaktivStern inaktivStern inaktivStern inaktiv

Sounds of Silence, Simon and Garfunkel

Naach der Stille

`ne Stään stunt üvver Bethlehem,
de Hirte hatten in jesin.
Doh en dem Stall em Kreppche dren
lochs Du Jesus em Strüh doh dren.
Un die Engel, joh die sangen nur janz höch
un janz sach, en dä Naach, dä Stille.

Bes Du dann wirklich unsre Held?
Dat fröch sich Hück de Christenwelt.
Du kleene Jung em Stall vun Bethlehem,
Du solls wirklich unsere Retter sin?
Et wör schön, Du köm noch ens zohröck, et weiht Zick
un breng uns, die Naach dä Stille.

Köninge han sich objemaht,
Jeschenke an ding Krepp jebraht.
Dä Stän hätt se zoh Dir jeführt,
die Drei, die woren wirklich sehr jerührt.
Et wör schön, Du köm noch ens zohröck, et weiht Zick
un breng uns die Naach, dä Stille.

Wat han mir doh druss jeliert,
suh manches läuv he suh verkiert.
Nächstenliebe es eh schwierig Woot,
Suh manch einer kütt he vell zoh kot.
Et wör schön, Du köm noch ens zohröck, et weiht Zick
un breng uns die Naach dä Stille.

Die doh vürre sin am schenge,
künnen sich selver nit benemme.
Saren uns wie et met Dir funktioniert,
han et selver evver nit kappiert.
Et wör schön, Du köm noch ens zohröck,
et weiht wirklich hüchste Zick
un breng uns, die Naach dä Stille.

November 2020 – B.Kox

Dienstag, 29 11 2022