Stern inaktivStern inaktivStern inaktivStern inaktivStern inaktiv
 

Melodie: Du lässt Dich gehn, Charles Aznavour
                Tu t`laisses aller

Ich ben suhlang jetz schun allein,

en mingem Zemmer he em Heim.
Die Pandemie mäht mich beklopp,
mer fällt de Deck he ob d´r Kopp.
De Mundschutz immer vürm Jeseech,
dat es joh schlemmer wie em Krech.
De Pänz ald lang nit mieh jesin,
dat mäht doch alles keene Sinn.
De Mitarbeiter he em Hus,
halen dä Stress bal nit mieh uss.

 

Se sin für Angs komplett maskiert
un hundert mol desinfiziert.
Se halden durch un machen Mot,
dat se dohsin deiht mer jot.
Et es wirklich keene Witz,
sick Woche sin se ming Familich jetz.
Ich mein, ich wäd langsam bestuß,
ich will eruß, ich will eruß.

En d´r Finsterstub doh ston zwei Stöhl,
et es eh merkwürdig Jeföhl.
En Schief trennt Sohn vun singer Mam,
de Tränche kummen dir als dann.
Se nöhmen jähn sich en Ärm,
et Hätz dat es inne janz wärm.
Se jöven jän sich ene Kuß
dann es de Zick vorbei un Schluß.
De Nächste waden en d´r Reih,
et es vorbei, et es vorbei.

Ich lieje em Bett, schlof kaum noch en,
mer jeiht suh manches durch de Sinn.
Fange jez langsan an zoh dräume,
wat ich doh drusse all versäume.
Em Draum doh kütt der kale Schweiß,
dat ming Enkelkind Corona heiß.
Hürt bloß bal ob met all dem Dreß,
schrei ich uss minger Lappekes.

Mer han je skype, en jot Idee,
soh ming Famillich em PC.
Ich han och keinem jet jesaaht,
et hätt mich traurich nur jemaaht.
Jetz ben ich widder janz allein,
ich söch suh jänz ens ühre Klein.
Ming Enkelkind, dä kleine Stropp,
hä jeiht mer janit uss dem Kopp.
Met Skype blievt weg, sit mer nit kott,
ich jon kapott, ich jon kapott!

Ich denk an Dich mieh Hätz mieh Glöck,
wünsch mer, Du köms noch ens zohröck.
Denk an die schöne ahle Zick,
an Liebe ov de ezte Blick.
Dann wör dat alles nit suh schwer,
ich benn allein un och suh leer.
Corona mach Dich endlich fott,
ich jon kapott, ich jon kapott.

Mai 2020 – B.Kox

Freitag, 29 03 2024

Wir nutzen Cookies auf unserer Website. Einige von ihnen sind essenziell für den Betrieb der Seite, während andere uns helfen, diese Website und die Nutzererfahrung zu verbessern (Tracking Cookies). Sie können selbst entscheiden, ob Sie die Cookies zulassen möchten. Bitte beachten Sie, dass bei einer Ablehnung womöglich nicht mehr alle Funktionalitäten der Seite zur Verfügung stehen.