Melodie: L'important c'est la rose, Gilbert Bécaud
1.
Ich sin Minsche voller Hass,
met Axt un Messer, oh wie krass.
Mörder die met Waffe winke,
Terror.
Minsche die Bombe en Rucksäck drare,
die mem LKW en Minschemasse fahre.
Et es kaum noch zoh erdrare.
Der Terror.
Refr.
Doch ich sin och die Ruse
Minsche, die all dat verknuse.
Die de Zokunf anlache
trotzdem.
2.
Ich sin Minsche andere ömbrenge
öm sich ihrem Gott nöher zoh brenge.
Lossen sich dofür noch fiere.
Terror
Mer süht se beim Morde lache
´ne wat sin dat all für Sache,
keene Gott der dat suh han möch,
der Terror
Refr.
Doch ich sin och die Ruse
Minsche, die all dat verknuse.
Die de Zokunf anlache
trotzdem.
3.
Ich sin Minsche wiggermache.
Die de Kopp nit hänge losse
sich vum Terror nit verbeje losse.
Voller Mot
Die met Mot jetz vürwärts jon
un dem Terror widderston.
Voll Hoffnung un Beharrlichkeit.
Bröderlichkeit
Refr.
Jo, ich sin och die Ruse
Minsche, die all dat verknuse.
Die de Zokunf anlache
trotzdem.
4.
Ich sin Minsche met Visione
met Idee die sich lohne
die sprechen met Religione
ohne Terror.
Die packen Mutig all met an,
och wenn se janix dovun han,
brengen sich noch en Gefahr
bei dem Terror
Refr.
Jo, ich sin och die Ruse
Minsche, die all dat verknuse.
Die de Zokunf anlache
trotzdem.
Wichtig sin, all die Ruse,
Wichtig sin, all die Ruse,
Wichtig sin, all die Ruse,
Gläuv mir
August 2016 – B.Kox