Refr.
Ibben Dibben Dab un Schnick Schnack Schnuck,
dä Manni hätt dem Klös op de Fritte jespuck
Seilchespringe, Jummitwist un Höppekesje,
en unsrer Stross hatten alle Pänz vell Spässje.
1.
Mer bemolten de Bürjersteig met Krick, et hätt keener jestührt,
nix wor met Graphiti op en Wand die uns nit jehürt.
Komm ich eran an minge Stein, noh all dä Höpperei?
Ich ston doch nur op einem Bein un waggele dohbei.
Refr.
Ibben Dibben Dab un Schnick Schnack Schnuck,
dä Manni hätt dem Klös op de Fritte jespuck
Seilchespringe, Jummitwist un Höppekesje,
en unsrer Stross hatten alle Pänz vell Spässje.
2.
Beim Kniggele met de Murmele, doh hatt´ste keen Vertraue,
jeder versöckten dä Andere üvver et Uhr zoh haue.
Die Murmelsammlanglung, hatt mer en ´nem Enmachjlas,
däht et beim Spelle räne, dann woht mer eben nass.
Refr.
Ibben Dibben Dab un Schnick Schnack Schnuck,
dä Manni hätt dem Klös op de Fritte jespuck
Seilchespringe, Jummitwist un Höppekesje,
en unsrer Stross hatten alle Pänz vell Spässje.
3.
„Betreten verboten“ dat hätt uns nitt jestürt.
Jede neue Baustell, woht etz ens inspiziert.
Krächs du bei dä Kledderei, Bühle un och Schramme,
dann woht dat nitt verrode, doh helten mer zohsamme.
Refr.
Ibben Dibben Dab un Schnick Schnack Schnuck,
dä Manni hätt dem Klös op de Fritte jespuck
Seilchespringe, Jummitwist un Höppekesje,
en unsrer Stross hatten alle Pänz vell Spässje.
4.
Em Baumhüsjer em Pädcher, doh han mer dren jewonnt.
Jeder moht sich selvs eins Baue, keener woht verschont.
Doh spellten mer et etztemol met Mädcher Flaschedriehe,
kohmste dran, dann krächste dinge etzte Kuss verliehe.
Refr.
Ibben Dibben Dab un Schnick Schnack Schnuck,
dä Manni hätt dem Klös op de Fritte jespuck
Seilchespringe, Jummitwist un Höppekesje,
en unsrer Stross hatten alle Pänz vell Spässje.
Juni 2004 - B.Kox