1.
Ob de Stross, dä doh kütt, dä häs de ald ens jesinn,
doch Dinge Kopp jeiht erav un erunter jeiht Ding Kinn.
Erop muss dä Kopp, Ding Aure wick op
dann eh freundlich Hallo un ihr sitt beide jot drop.
Refr.
Mer sull sing Laache verschenke,
nitt immer nur an sich selver denke.
Laache brenk de Minche vell Freud,
Laache hätt noch keener bereut.
2.
Du setz em Wartezemmer, bei Dingem Doc,
et es müsjestill, alle Lück luren fott.
Du rövs „Jode Besserung,“ un „maat et jot ihr Lück“,
doh kress Du vell Lächeln un eh Echo zohröck.
Refr.
Mer sull sing Laache verschenke,
nitt immer nur an sich selver denke.
Laache brenk de Minche vell Freud,
Laache hätt noch keener bereut.
3.
Du küs en ene Lade, doch Du fälls keenem op,
de Verkäufer han Stress, keener es he jot dropp.
Ding freundlich,“Hallo junge Frau.“ jläuv mir et stimmp,
schon sin die Lückcher en dem Lade all vell besser jesinnt.
Refr.
Mer sull sing Laache verschenke,
nitt immer nur an sich selver denke.
Laache brenk de Minche vell Freud,
Laache hätt noch keener bereut.
Mer sull sing Laache verschenke,
nitt immer nur an sich selver denke.
Laache brenk de Minche vell Freud,
Laache hätt noch keener bereut.
November 2003 - B.Kox