1.
Jetz bes Du janz ovven en d`r Politik.
Du fings Dich selver einfach nur schick.
Du meins Du bes dat Maß aller Dinge,
en jedem Aufsichtsrot kann mer Dich finge.
Wenn de Kass nur klingelt, dat fings Du toll,
dovun kress Du de Hals nitt voll.
Dobei verjiss Du die Lück vun d`r Stroß.
Du weiss nitt mieh wat de Botter koss.
Refr.
Du steihs ald medden em Mehr.
Doch Du wills immer noch mieh.
Du steihs ald medden em Mehr
un mer, mer han nix mieh.
Du steihs ald medden em Mehr,
de Hand en minger Täsch.
Du steihs ald medden em Mehr
un drings uss minger Fläsch.
2.
Du verzells wat mer hüre wulle ob jedem Fess,
doch dann mächste dat, wat für Dich am beste es.
Du versprichs uns de Himmel en sonndachs blau,
doch krieje dunn mer immer et alldaachs jrau.
Ich jon kaum noch fott, weil alles suh dür jewode es
Evver Dich süht üvverall, woh jet jebacke es.
Doh sitz Du wie immer en d`r ezte Reih,
Ding Kaat wor schun bezahlt, Esse un Drinke, für Dich frei.
Refr.
Du steihs ald medden em Mehr.
Doch Du wills immer noch mieh.
Du steihs ald medden em Mehr
un mer, mer han nix mieh.
Du steihs ald medden em Mehr,
de Hand en minger Täsch.
Du steihs ald medden em Mehr
un drings uss minger Fläsch.
3.
Weiß Du ens erwich, bei `ner Sauerrei,
dann jitt et etz ens eh riesen Jeschrei.
Ich han de Zeidung noch nitt en et Altpapier jestop,
doh es Ding Abfindung schun op Dingem Konto drop.
Die Rente es och jesichert, doh kreste de Kurv,
häste met Dinger Kollege joh selver für jesurch.
Dozoh Ding Jehalt uss dem ahle Job,
he nimmste dann `nem Andere de Arbeitsplatz noch fott.
Refr.
Du steihs ald medden em Mehr.
Doch Du wills immer noch mieh.
Du steihs ald medden em Mehr
un mer, mer han nix mieh.
Du steihs ald medden em Mehr,
de Hand en minger Täsch.
Du steihs ald medden em Mehr
un drings uss minger Fläsch.
Dezember 2004 - B.Kox