1.Strophe
Et jitt Daach wor mer am beste em Bettche liege bliev,
Daach wor de Politesse nur dir de Knöllche schriev.
Et Auto spring nit an, Du küss zoh spät zum Job,
Du merks schun an d´r Dür, de Chev es nit jot drop.
De Schrievdesch dä lit voll, et weiht ald immer mieh,
Du merks dann och rech flöck, mein Gott ich kann nit mieh.
Refr.
Dat sin die Daach, doh krieje ich Plaque un Bühle,
künnt für luter Frust de Mond anhühle.
Dat sin die Daach, doh han ich met jedem Krech,
doh fällt mer et Toast met dem Nutella op et Jeseech.
2.Strophe
Dinge Internetanbieter läd Dich en de Warteschleif
noh 35 Minute, denks Du he läuv jet schev.
Du rövs noch dreimol an, doch dat deiht die janit jucke,
denn jetz bedräht die Wartezick etwa 45 Minutte.
Du wöts suh jän ens brölle, doch et hürt Dir keener zoh
un Du bes och jrad fädich, doch keen Papier mieh op dem Klo.
Refr.
Dat sin die Daach, doh krieje ich Plaque un Bühle,
künnt für luter Frust de Mond anhühle.
Dat sin die Daach, doh han ich met jedem Krech,
doh fällt mer et Toast met dem Nutella op et Jeseech.
3.Strophe
De Nohrborschaff beschwert sich, weil Du de Müll nit trenns,
un usserdem am Fierdaach nit bis zwölf Uhr penns.
Un och ding Auto park vell zoh noh an dene ihrem dran,
„dat met dem Führersching fange se am beste noch ens an.“
„Ühre Hungk dä bellt suh laut, de Lück vum Friedhoff wäden wach“
Lev Nohrborschaff sit suh jot, halt doch de Ball ens flach.
Refr.
Dat sin die Daach, doh krieje ich Plaque un Bühle,
künnt für luter Frust de Mond anhühle.
Dat sin die Daach, doh han ich met jedem Krech,
doh fällt mer et Toast met dem Nuttella op et Jeseech.
B.Kox – Juni 2016