Wat es dat für en Welt
Ich krieg keen Breffe mieh, kriech SMS, wie nett.
Fründe treff ich nit an d´r Thek, die treff ich bei WhatsApp.
Doh darf ich winnestens rauche, en d´r Kneip darf ich et nitt.
En Facebokk erfahre ich, wat et üvver mich zoh wesse jitt.
Refr.
Manchmol han ich dat Jeföhl, de Welt die steiht om Kopp.
Dat kann mer nit ophale, dat jeiht och nit mieh fott.
Et ändert sich suh schnell, doch ich ben deshalb nit kott
un wieh et wigger jeiht weiß nur de leven Gott.
Minge Hungk jeiht nohm Friseur, dat es Hück esuh.
Hä dräht Schmuck öm de Hals, dat mäht et Frauche fruh.
Dä Mantel vun dem Fifi es dürer wie de Minge
dann jon ich en et Studio, ich muss e Ründche singe.
Refr.
Manchmol han ich dat Jeföhl, de Welt die steiht om Kopp.
Dat kann mer nit ophale, dat jeiht och nit mieh fott.
Et ändert sich suh schnell, doch ich ben deshalb nit kott
un wieh et wigger jeiht weiß nur de leven Gott.
Ich hat drei Sender en d´r Flimmerkess un dat wor nit verkeet
Hück han ich 125 Projramme un noch en Mediathek.
Et weiht nit lang dure, vieleich es et ald bal suh wick
dann hätt wirklich jeder am Himmel singe eijene Satelit.
Refr.
Manchmol han ich dat Jeföhl, de Welt die steiht om Kopp.
Dat kann mer nit ophale, dat jeiht och nit mieh fott.
Et ändert sich suh schnell, doch ich ben deshalb nit kott
un wieh et wigger jeiht weiß nur de leven Gott.
Schon em August steiht en d´r Läden all dä Weihnachtskrom
Zum Fastelovend em Sunnesching kann ich jetz em Sommer jon.
En minger Stammkneip jit et Apres Ski Party jetz janz ov
un Oktoberfest fiere mer Hück doch en jedem Dorf.
Refr.
Manchmol han ich dat Jeföhl, de Welt die steiht om Kopp.
Dat kann mer nit ophale, dat jeiht och nit mieh fott.
Et ändert sich suh schnell, doch ich ben deshalb nit kott
un wieh et wigger jeiht weiß nur de leven Gott.
November 2016 – B.Kox