En d´r janzen Welt en jedem Land
sin Tünnes un och Schäl bekannt.
Met Driehorjel em Husarenrock
hätt Orjels Palm de Stadt jerock.
Als Fleute Arnöldche woht hä bekannt
es met de Querflöt durch uns Stadt jerannt.
De Pänz zoh helfe es im jelunge
Hä woht als Lehrer Welch besunge.
Dat sin uns Kölsche Originale,
die sind met Jeld nit zoh bezahle.
Die han et Hätz ob d´r Zung
un brenge uns Kölle en Schwung.
Han eijentlich nur jodes em Sinn
un blieven vür Iwig en unsrer Hätze dren.
De Molerei, die hat hä nur em Sinn
keen Bild vum Maler Bock wo je zohsin.
Dofür evver dä Zinke vum Hundfänger
De Läsche Nas wot immer länger.
Dä Klütsch hätt vell jefresse un jesoffe
bis hück es die Fressklötsch unüvvertroffe.
Wundarzt un Hebamm, wie et domols suh jing
doch wor hä nie ene Arzt dä Schabaudewing.
Dat sin uns Kölsche Originale,
die sind met Jeld nit zoh bezahle.
Die han et Hätz ob d´r Zung
un brenge uns Kölle en Schwung.
Han eijentlich nur jodes em Sinn
un blieven vür Iwig en unsrer Hätze dren.
Kätzcher un Bildcher verkaufe hät et nit bereut
als Schmucklerin hätt et Bolze Lott de Zöllner ov verbleut.
Met Vülche un Pänz zoh schänge es nit besonders schlau
dröm nannt mer Anna Zaudig dann et Böckderöck Wau Wau.
Hä hieß Hieronymus Blau, dä Bullewuh
de Pänz reven Bullewuh, hau de Pänz nit esuh
Beim Wecke der Bäckerlehrlinge es hä en ene Koche jerant
dröm woht dä Naahtswächter Schutzmann Streukooche jenannt.
Dat sin uns Kölsche Originale,
die sind met Jeld nit zoh bezahle.
Die han et Hätz ob d´r Zung
un brenge uns Kölle en Schwung.
Han eijentlich nur jodes em Sinn
un blieven vür Iwig en unsrer Hätze dren.
Wat mer he vell Orijinale han,
Et Trude Herr un Willi Ostermann
De Bläck Fööss, et Colonia Duett
Millowitsch unsere kölsche Jeck.
De Räuber, de Höhner, Niedecken´s Bap
Tommy Engel es ob Zack.
Böll, Schummi, Litti un Podolskis Lukas
uns Orijinale machen uns Spaß.
Dat sin uns Kölsche Originale,
die sind met Jeld nit zoh bezahle.
Die han et Hätz ob d´r Zung
un brenge uns Kölle en Schwung.
Han eijentlich nur jodes em Sinn
un blieven vür Iwig en unsrer Hätze dren.