Ich wor unge am Rhing et wor ´ne herrliche Dach
De Sunn stunnt am Himmel schun bal 14 Dach.
Du koms met´nem Hungk un nem Strohhot om Kopp.
Ding herrlich Laache riss de Knee mer bal fott.
Ding blaue Aure lurten deev en ming Hätz.
Ich han mich verliebt un jing Dir en et Netz.
Refr.
Han ich et ob de Aure, ich kann Ding Flüjel nit sin.
Du küss doch vum Himmel, muss eh Engelcher sin.
Ding strohlende Aure, Ding frölich Jesech
ich ben suh verlieb, ich han Dich suh lev.
Wie treff ich Dich widder han ich mich jefroch?
Ich kom an die Stell jeden Daach, Woch für Woch.
Och em strömende Rän han ich ob Dich jewaht.
Un et hätt sich jelohn, et hät nit jeschad.
Ich soch Dinge Hungk un mieh Hätz es jehöpp,
Ich sproch Dich an:“ jon mer zohsamme eh Stöck?“
Refr.
Han ich et ob de Aure, ich kann Ding Flüjel nit sin.
Du küss doch vum Himmel, muss eh Engelcher sin.
Ding strohlende Aure, Ding frölich Jesech
ich ben suh verlieb, ich han Dich suh lev.
Sick Johre jon mer jetz zohsamme die Rund,
jeden Ovend am Rhing, met unserem Hungk.
He wor ich Dich trov, bliev ich jän öns ston
muss eh paar Minütche dann ens en mich jon.
Ich jev Dir eh Bützje, lur en Ding blau Aure eren
Dat ich Dich he trov, muss eh Wunder wohl sin.
Refr.
Han ich et ob de Aure, ich kann Ding Flüjel nit sin.
Du küss doch vum Himmel, muss eh Engelcher sin.
Ding strohlende Aure, Ding frölich Jesech
ich ben suh verlieb, ich han Dich suh lev.
Refr.
Han ich et ob de Aure, ich kann Ding Flüjel nit sin.
Du küss doch vum Himmel, muss eh Engelcher sin.
Ding strohlende Aure, Ding frölich Jesech
ich ben suh verlieb, ich han Dich suh lev.
Juli 2018 – B.Kox