Jedem Jeck ene Baum, ne wor dat ene Draum.
Beim Rusemondaachszoch weiht avjezallt
un Äschermettwoch wäden se schun objestallt.
Baum an Baum, wie en Peelekett
un keener bruch mieh en Umweltplakett.

1.
De Feinstaub määht uns all kapott, dat hürt mer jeden Daach,
En Odemmaske dräht mer hück, am Daach un en d´r Naach.
Jeder hät en Krankheit, die mer vürher nit jekannt.
Woch vür Woch weiht jetz zum Doctor hinjerannt.

 

Jedem Jeck ene Baum, ne wor dat ene Draum.
Beim Rusemondaachszoch weiht avjezallt
un Äschermettwoch wäden se schun objestallt.
Baum an Baum, wie en Peelekett
un keener bruch mieh en Umweltplakett.

2.
Dausende Autos en d´r Stadt, doh weiß Du doch bestuss,

Et stink un rüch suh widderlich, ich jon nit mieh eruß.
Sprinter, Laster, PKWs, woh wollen die all hin?
Für Kinderware keene Platz, dat mäht doch keene Sinn.

Jedem Jeck ene Baum, ne wor dat ene Draum.
Beim Rusemondaachszoch weiht avjezallt
un Äschermettwoch wäden se schun objestallt.
Baum an Baum, wie en Peelekett
un keener bruch mieh en Umweltplakett.

3.
Fröher spellten mer als Pänz en Kölle en jeder Gass
Seilchespringe, Höppekäsche, wat hatte mer ´ne Spaß.
Hück steiht ein Auto am Andere, keiner hätt mieh Zick.
En Murmel krächs Du Hück nit mieh bis ob de andere Sick.

Jedem Jeck ene Baum, ne wor dat ene Draum.
Beim Rusemondaachszoch weiht avjezallt
un Äschermettwoch wäden se schun objestallt.
Baum an Baum, wie en Peelekett
un keener bruch mieh en Umweltplakett.

Juli 2018 – B.Kox