Dä Pfleger es kapott, hä kann et nit verstonn
die Frau möch noch jet schwade doch hä muss wigger jon.
Hätt nur eh paar Minutte, für die ahle Lück
hä dät joh jän noch blieve, dä Stress mäht in verröck.
dat mer nit mieh Zick hät, dat mäht doch keene Sinn,
un dann noch wat jedonn wot, en d´r Computer ren.
Mer müssen all zohsamme ston,
mer müssen all zohsamme jon!
All mem Rögger an d´r Wand,
all zohsamme Hand en Hand!
Jeder muss doh dröver watsche,
met einer Hand kann mer nit klatsche
Die Krankeschwester mäht Hück widder Doppelschicht,
Kollejinne sind krank un se läd die Andere nit em Stich.
Dat jeiht schwer ob de Knoche, für dat besche Jeld
se wor schun fix un fädich, als se et mir verzählt.
Et fehlen einfach mieh Lück he, dat weiß jeder janz jenau,
vür allem de Politiker, doch die machen doch nur Schau.
Mer müssen all zohsamme ston,
mer müssen all zohsamme jon!
All mem Rögger an d´r Wand,
all zohsamme Hand en Hand!
Jeder muss doh dröver watsche,
met einer Hand kann mer nit klatsche
Doht üch all zohsamme, zohsamme mäht et Sinn
Ihr müsst üch orjanisiere, trett en d´r Jewerkschaff en.
Dann losst mer ob d´r Stross jon un machen ödentlich Krach
mer wäden dann suh laut, dat janz Berlin weiht wach.
Winnig Jeld un vell Arbeit, ihr sit vell zoh brav,
doht üch all zohsamme, dann weiht och jet jeschaff!
Mer müssen all zohsamme ston,
mer müssen all zohsamme jon!
All mem Rögger an d´r Wand,
all zohsamme Hand en Hand!
Jeder muss doh dröver watsche,
met einer Hand kann mer nit klatsche
August 2018 – B.Kox