1.
Dä Franz, dä wor met singer Frau zoh Besök en Kölle am Rhing.
Uns schöne Stadt un unsere Dom, dat mohten se alles sin.
Hä jing met ihr am Ovend dann, en eh Brauhaus he am Dom,
Köbesse, kannt Hä noch nit un maaht Bekanntschaff schon.
„´ne Schuss un ene Drecksack“ dät Hä dem Köbes winke.
Dä Köbes meint“dat sin ich, evver wat wullt ihr zwei dann drinke?“
Refr.
Et kütt wie et kütt un et es wie et es,
wat willste maache, nur keene Stress.
Wat fott es dat es fott un dann laachste Dich kapott.
2.
`Ne Kegelclub uss Düsseldorf, die leven durch de Stadt.
Drei Stund mem Reiseführer Jupp, durch uns schön Vatterstadt.
Am Dom frochten einer dann: „Entschuldigen Sie mein Herr,
diese Heiligenfiguren in den Türmen, wo kommen die wohl her?“
Dä Jupp, dä meinten zoh dem, „lur ens jenauer hin,
wenn die sich öm zwölf Uhr bewege, wäden et de Mürer sin.“
Refr.
Et kütt wie et kütt un et es wie et es,
wat willste maache, nur keene Stress.
Wat fott es dat es fott un dann laachste Dich kapott.
3.
Dä Kleen jing met singem Opa de Stroß erop un eraff,
de Opa meint:“bal sin mer doheim, du häs et bal jeschaff.“
Doh fröch dä Kleen „He Opa, wat weech wohl ene Futz?“
„Ich meine dä weech janix, et es nur heiße Luf“
Doh lurt dä kleen de Opa an, Hä wor janz schön op Zack,
„dann han ich secher nit jefutz evver en d´r Botz jekack.“
Refr.
Et kütt wie et kütt un et es wie et es,
wat willste maache, nur keene Stress.
Wat fott es dat es fott un dann laachste Dich kapott.
Refr.
Et kütt wie et kütt un et es wie et es,
wat willste maache, nur keene Stress.
Wat fott es dat es fott un dann laachste Dich kapott.
Mai 2019 – B.Kox