Zesamme jeck sin, zesamme danze, zesamme fiere,
zesamme bütze, schunkele un Spass han kann mer liere.
Zesamme losstrecke, kostümiert met Strüßger un Kamelle
zesamme Freud han un Fastelovend fiere, dat es Kölle.

Ejal ob Pfarrsizung udder Altersheim,
Ejal ob Elferot udder Danzverein,
Ejal ob Danzmarieche udder als Danzmajor
Ejal ob Rampensau udder Backgroundchor.
Mer fieren Karneval, hück an dissem Ovend,
denn zesamme, sin mer Fastelovend.

Zesamme jeck sin, zesamme danze, zesamme fiere,
zesamme bütze, schunkele un Spass han kann mer liere.
Zesamme losstrecke, kostümiert met Strüßger un Kamelle
zesamme Freud han un Fastelovend fiere, dat es Kölle.

Bes Du aktiv uder an de Sick am schunkele,
ob Du met mähs udder lurs, Ding Aure sin am funkele.
Ding Hätz es op, Du bes am Strohle un am Laache,
weil die Jecke he de dollste Sache mache.
De schönste kölsche Leeder wäden jesunge,
als wör he jeder, als Jeck ob d´r Welt jekumme.

Zesamme jeck sin, zesamme danze, zesamme fiere,
zesamme bütze, schunkele un Spass han kann mer liere.
Zesamme losstrecke, kostümiert met Strüßger un Kamelle
zesamme Freud han un Fastelovend fiere, dat es Kölle.

Wo Du och herküss, dat spellt he doch kein roll,
de Hauptsach es et Hätz es jot un Du bes doll.
Ob Du ´ne Kölsche bes udder och ´ne Imi
nohm drette Leed, doh merk mer dat doch nitmieh.
Et weiht sich enjehok, mer sin ein lange Kett,
mer ston zesamme un jeder schunkelt met.

Zesamme jeck sin, zesamme danze, zesamme fiere,
zesamme bütze, schunkele un Spass han kann mer liere.
Zesamme losstrecke, kostümiert met Strüßger un Kamelle
zesamme Freud han un Fastelovend fiere, dat es Kölle.

Februar 2020 – B.Kox