Ene kölsche Schuss, Mutti Melodie:Ein junger Mann Mutti, Mary und Ann

1.
En Uniform, janz schick un staats,
suh hat ich mich parat jemaaht.
Hück fiere ich, wat et och koss,
Tschüss Mutti ich muss loss.
En d´r Weetschaf ob dé Eck,
stunt joh suh en söße Schneck.
Se hätt mich herrlich anjelach,
et wot en lange Naach.

Sie wor suh nett, Mutti.
Jet vür et (Bett) Hätz, Mutti.
Weetschaf ob d´r Eck, Mutti.
Nee wat wor dat wunderschön.
Dä Schuss wor nett, Mutti
hät mich jeküss, Mutti,
medden ob d´r Schnüss, Mutti,
et wor suh wunderschön.

2.
Mer han jedanz, de janze Naach
un uns herrlich anjelaach.
Eh Kribbele hat ich em Buch,
ich krech janit jenoch.
Sie loch janz janz fess en mingem Ärm,
beim Bütze wot et uns janz wärm.
Die will ich han, wat et och koss,
ich loss se nit mieh loss.

Sie wor suh nett, Mutti.
Jet vür et (Bett) Hätz, Mutti.
Weetschaf ob d´r Eck, Mutti.
Nee wat wor dat wunderschön.
Dä Schuss wor nett, Mutti
hät mich jeküss, Mutti,
medden ob d´r Schnüss, Mutti,
et wor suh wunderschön.

3.
Se wor en Marketenderin,
un wor wirklich wunderschön.
Sie hätt mich herrlich anjelach,
et wot en lange Naach.

Bei dem kölsche Schuss, Mutti,
jing et richtig rund, Mutti,
jetz es Se rund, Mutti,
dat wor joh sonneklor.
Nüng Mond bliev Se rund, Mutti,
dann kütt wohl jesund, Mutti
ene kleine Funk Mutti,
joh dat es wirklich wor.

Sie wor suh nett, Mutti.
Jet vür et (Bett) Hätz, Mutti.
Weetschaf ob d´r Eck, Mutti.
Nee wat wor dat wunderschön.
Dä Schuss wor nett, Mutti
hät mich jeküss, Mutti,
medden ob d´r Schnüss, Mutti,
et wor suh wunderschön.

Juli 2020 – B.Kox